قازاقستاندا قانداي جولدار جابىلدى

نۇر-سۇلتان. قازاقپارات - رەسپۋبليكالىق ماڭىزى بار قانداي اۆتوجولداردا كولىك قوزعالىسى شەكتەلدى. بۇل تۋرالى قازاقپارات قازاۆتوجولعا سىلتەمە جاساپ حابارلايدى.

نۇر-سۇلتان قالاسىنىڭ «نۇر-سۇلتان- پاۆلودار»، «نۇر- سۇلتان- قوستاناي» اۆتوجول بولىكتەرىندە بارلىق كولىك تۇرلەرى ءۇشىن جول جابىلدى.

اقمولا وبلىسىندا بارلىق كولىك تۇرلەرى ءۇشىن 3 جول بولىگىندە قوزعالىس شەكتەلگەن: «نۇر- سۇلتان- ەرەيمەنتاي- شىدەرتى» (نۇر- سۇلتان قالاسىنان - پاۆلودار وبلىسىنىڭ شەكاراسىنا دەيىن)، «ەكاتەرينبۋرگ- الماتى» (جاقسى اۋىلىنان – س ق و شەكاراسىنا دەيىن)، «ەكاتەرينبۋرگ- الماتى» (اتباسار قالاسىنان - نۇر-سۇلتان قالاسىنا دەيىن)، الماتى وبلىسىندا «ءۇشارال- دوستىق» (كوكتۇما اۋىلىنان - قاسەنوۆ اۋىلىنا دەيىن) اۆتوجول بولىگىندە بارلىق كولىك تۇرلەرى ءۇشىن جول جابىلدى.

شىعىس قازاقستان وبلىسىندا جۇك جانە جولاۋشىلار كولىكتەرى ءۇشىن «الماتى- وسكەمەن» (قالباتاۋ اۋىلىنان - قاسەنوۆ اۋىلىنا دەيىن) اۆتوجول ۋچاسكەسىندە قوزعالىس شەكتەلدى.

بارلىق كولىك تۇرلەرى ءۇشىن «وسكەمەن- شەمونايحا-رەسەي شەكاراسى» (پرەدگورنوە اۋىلىنان - رەسەي شەكاراسىنا دەيىن)، «وسكەمەن- التاي- قاتون- قاراعاي- راحمان قاينارى» (ۋشانوۆ اۋىلىنان - سەرەبريان قالاسىنا دەيىن) اۆتوجول ۋچاسكەلەرىندە جول جابىلدى.

قاراعاندى وبلىسىندا «الماتى- ەكاتەرينبۋرگ» (قاراعاندىدان - اقسۋ- ايۋلى اۋىلىنا دەيىن)، «الماتى- ەكاتەرينبۋرگ» (تەمىرتاۋ قالاسىنان - اقمولا وبلىسىنىڭ شەكاراسىنا دەيىن) اۆتوجول ۋچاسكەلەرىندە بارلىق كولىك تۇرلەرى ءۇشىن قوزعالىس شەكتەلدى.

پاۆلودار وبلىسىندا «نۇر- سۇلتان- ەرەيمەنتاۋ- شىدەرتى» (شىدەرتى اۋىلىنان - اقمولا وبلىسىنىڭ شەكاراسىنا دەيىن) جانە « قىزىلوردا- پاۆلودار» (لەنين اۋىلىنان - قاراعاندى وبلىسىنىڭ شەكاراسىنا دەيىن) اۆتوجول ۋچاسكەلەرىندە جول جابىلدى.

سولتۇستىك قازاقستان وبلىسىندا بارلىق باعىت بويىنشا قوزعالىس شەكتەلدى.