قاراعاندى ۋنيۆەرسيتەتىنىڭ اسكەري كافەدراسىندا تانك ترەناجەرى ىسكە قوسىلدى

None
None
قاراعاندى. قازاقپارات - قاراعاندىدا ت-72 تانكىسىنىڭ مەحانيك- جۇرگىزۋشىلەرىن دايىنداۋعا ارنالعان بىرەگەي ترەناجەر جاسالدى.

ونى قاراعاندى مەملەكەتتىك تەحنيكالىق ۋنيۆەرسيتەتىنىڭ اسكەري كافەدراسىنىڭ قىزمەتكەرلەرى ازىرلەگەن، دەپ حابارلايدى قازاقپارات ءتىلشىسى.

كۋرسانتتار وندا اسكەري ماشينالاردى باسقارۋ داعدىسىن پىسىقتاي الادى.

«كورنەكىلىك ءۇشىن جۇرگىزۋشى- مەحانيكتىڭ ورنى بولەك تۇرعىدا كورسەتىلگەن. ترەناجەردىڭ كومەگىمەن قوزعالتقىشتى ءارتۇرلى تاسىلدەرمەن دايىنداۋ جانە ىسكە قوسۋ، جۇرگىزۋ ەلەمەنتتەرى، سونداي-اق موتورەسۋرستاردىڭ شىعىنسىز جاساندى جانە تابيعي كەدەرگىلەردەن ءوتۋ پىسىقتالادى. سونىمەن قاتار، ترەناجەر كۋرسانتقا قۇرالداردىڭ وسى تانكتە ورنالاسۋىن تەز ۇيرەنۋگە مۇمكىندىك بەرەدى» ، - دەدى اسكەري كافەدرا باستىعىنىڭ ورىنباسارى زاپاستاعى پولكوۆنيك اسقار ساتىلحانوۆ.

ت-72 قازاقستان ارمياسىنىڭ قۇرامىنا ەنگىزىلگەن. ترەناجەر مەحانيك-جۇرگىزۋشى ورنى اسكەري كولىكتىڭ پارامەترلەرىنە ۇقساس.

«ءبىز باسقارۋ ورگاندارىن، قوسالقى مەحانيزمدەردى، اسپاپتاردى ورنالاستىرۋ سىزبالارىن ازىرلەپ، جاسادىق. بۇل ترەناجەردىڭ قوسىمشا ارتىقشىلىعى ونىڭ موبيلدىلىگى بولىپ تابىلادى، ياعني ونى ءبىر ورىننان ەكىنشى ورىنعا جىلجىتۋعا بولادى»، - دەپ اتاپ ءوتتى اسكەري كافەدرانىڭ اعا ينجەنەرى زاپاستاعى پولكوۆنيك يگور تيۋنين.

قارمتۋ اسكەرى كافەدراسى قىزمەت ەتىپ كەلە جاتقان 66 جىل ىشىندە وندا 20 مىڭنان استام وفيتسەرلەر مەن زاپاستاعى سەرجانتتار ءتالىم العان. كوپتەگەن تۇلەكتەر قر قارۋلى كۇشتەرىندە جانە باسقا دا ۆەدومستۆولارىندا قىزمەت اتقارادى.

سوڭعى جاڭالىقتار