ق ر دەنساۋلىق ساقتاۋ مينيسترلىگى: قازاقستاندا كوروناۆيرۋستىق ينفەكتسيا تىركەلگەن جوق

None
None
نۇر- سۇلتان. قازاقپارات - قازاقستاندا كوروناۆيرۋستىق ينفەكسياسىن جۇقتىرعان ناۋقاس تىركەلگەن جوق. بۇل تۋرالى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلايدى.

باسپاءسوز قىزمەتىنىڭ مالىمەتىنشە، وسى كەزدە مەسسەندجەرلەردە «كوروناۆيرۋستىق ينفەكسيا قازاقستانعا دا جەتتى» دەگەن جالعان اقپارات ءجۇر.

«مۇنداي دالەل- دايەكسىز، شىندىققا جاناسپايتىن اقپاراتتى ودان ءارى تاراتىپ، جۇرتتى دۇرلىكتىرمەۋلەرىڭىزدى سۇرايمىز. ق ر دەنساۋلىق ساقتاۋ مينيسترلىگى ق ح ر- داعى ەپيدەميولوگيالىق جاعدايدىڭ كۇردەلەنۋىنە بايلانىستى وسى اۋرۋدىڭ الدىن الۋ ماقساتىندا ەلىمىزدە وقۋ- جاتتىعۋلار وتكىزىپ جاتىر. اتاپ ايتقاندا، اۋەجاي، شەكارا جانە كەدەن قىزمەتىنىڭ قىزمەتكەرلەرىمەن، بورتسەرىكتەرىمەن، ۇشۋ قۇرامىمەن، جولاۋشىلار پويەزدارىنىڭ جولسەرىكتەرىمەن ءوزارا ءىس- قيمىلدى قامتاماسىز ەتۋ، جاڭا كوروناۆيرۋستىق جانە باسقا دا ينفەكسيالارمەن سىرقاتتانعان كۇدىكتى ناۋقاستاردى انىقتاۋ جانە كۇدىكتى ناۋقاستى ينفەكتسيالىق ستاتسيونارعا تاسىمالداۋ سياقتى وقۋ - جاتتىعۋ جۇمىستار جۇرگىزىلۋدە»، - دەلىنگەن حابارلامادا.

سونداي- اق وندا قازىرگى ۋاقىتتا وقۋ- جاتتىعۋلار تالدىقورعان جانە الماتى قالالارىندا جۇرگىزىلىپ، الداعى ۋاقىتتا رەسپۋبليكانىڭ باسقا دا قالالارىندا جالعاساتىندىعى ايتىلعان.

«ق ر دەنساۋلىق ساقتاۋ مينيسترلىگى اسا قاجەت بولماسا، ق ح ر- عا ساپارعا شىعۋدان باس تارتۋ، ۋحان، حۋانگان، ەچجوۋ، گيبن، سيانباو، سينيزيان، چجيدزيا جانە ليگۋان قالالارىنا بارۋدان باس تارتۋ قاجەت دەگەن پىكىردە.

مينيسترلىكتىڭ حابارلاۋىنشا، ق ح ر- دا بولعان نەمەسە سول جاقتان كەلگەن كەزدە رەسپيراتورلىق اۋرۋ سيمپتومدارى پايدا بولعان جاعدايدا، ساپار كەزىندە نەمەسە ودان كەيىن ساياحاتشىلارعا مەديتسينالىق كومەككە جۇگىنۋ نەمەسە ءوزىنىڭ ەمدەۋشى دارىگەرىنە ينفەكتسيانىڭ تارالۋ ايماعىنا بارعانى تۋرالى حابارلاما ۇسىنىلادى.

«وسى رەتتە مينيسترلىك ءجىتى رەسپيراتورلىق ينفەكسيالارمەن اۋىراتىن ادامدارمەن تىعىز بايلانىس جاساماۋ، قازىرگى ۋاقىتتا ج ر ۆ ي جانە تۇماۋمەن سىرقاتتانۋ بويىنشا ەپيدماۋسىمدى ەسكەرە وتىرىپ، ج ر ۆ ي- مەن اۋىراتىن ناۋقاسپەن بايلانىستا بولعان جاعدايدا، سونىمەن بىرگە مەديتسينالىق ۇيىمدارعا بارعان كەزدە 3 ساعات سايىن اۋىستىرىپ، ءبىر رەت قولدانىلاتىن بەتپەردە قولدانۋ قاجەتتىگىن، قولدى ءجيى جۋۋ، اسىرەسە ناۋقاس ادامدارمەن نەمەسە ولاردىڭ اينالاسىمەن تىكەلەي بايلانىسقاننان كەيىن جۋۋ، اۋرۋ ءۇي جانۋارلارىمەن جانە/نەمەسە جابايى جانۋارلارمەن تىعىز بايلانىستا بولماۋ قاجەتتىگىن ەسكەرتەدى.

«ءجىتى رەسپيراتورلىق ينفەكسيا سيمپتومدارى بار ادامدار جوتەل ەتيكەتىن ساقتاۋى ءتيىس (قاشىقتىقتى ساقتاڭىز، جوتەلگەندە جانە تۇشكىرگەندە ءبىر رەت قولدانىلاتىن سۋلىقتارمەن نەمەسە ورامالمەن اۋىزدى جابىڭىز). اتالعان جاعداي دەنساۋلىق ساقتاۋ مينيسترلىگىنىڭ ءجىتى باقىلاۋىندا ەكەنىن ايتا كەتۋ كەرەك»، - دەلىنگەن سونداي- اق حابارلامادا.

سوڭعى جاڭالىقتار