+7 (701) 759 90 19
16 °С : نۇر-سۇلتان
20 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

پيتەر گريففيتس «بەك اير» اۋە كومپانياسىنىڭ بولاشاعى قالاي بولاتىنىن ايتتى

24 قاڭتار 22:05
:ءبولىسۋ
پيتەر گريففيتس «بەك اير» اۋە كومپانياسىنىڭ بولاشاعى قالاي بولاتىنىن ايتتى

نۇر- سۇلتان. قازاقپارات - بۇل تۋرالى «Bek Air» اۋە كومپانياسىنىڭ قىزمەتىن تەكسەرۋ بارىسىندا انىقتالعان كەمشىلىكتەرگە قاتىستى سۇراقتار بويىنشا ەلوردادا وتكەن بريفينگتە «قازاقستاننىڭ اۆياتسيالىق اكىمشىلىگى» ا ق باس ديرەكتورى پيتەر گريففيتس ايتتى، دەپ حابارلايدى قازاقپارات ءتىلشىسى.

«Bek Air» اۋە كومپانياسىنىڭ تاعدىرى «Bek Air» - دىڭ قولىندا. لوۋكوستەر (تومەن باعا - باستى ماقساتى شىعىنداردى ازايتىپ، ۇشۋ باعاسىن تومەندەتۋ - اۆتور) جۇمىس ىستەۋ ءۇشىن باستى ءۇش نارسەنى ەسكەرۋ كەرەك: تولىعىمەن جاڭا قۇرىلعى ورناتۋ، اۋە بيلەتتەرىن ساتۋدىڭ جاڭا ءادىسىن ويلاپ تابۋ جانە ۇشاق قاۋىپسىزدىگىنە تولىعىمەن جاۋاپ بەرەتىن قىزمەتكەرلەر الۋ. كەز كەلگەن مەملەكەتتىڭ اۆياتسيا سالاسىندا رەتتەۋشىسى بولادى. ول ۇشاق بورتىنداعى ءار جولاۋشىنىڭ قاۋىپسىزدىگنە جاۋاپ بەرەدى. «Bek Air» - گە ءارقايسىسىمىزدىڭ «ولار جۇمىس ىستەي الادى» دەگەن قۇجات تۇرىندەگى قولداۋىمىزدى قاجەت ەتەدى»، - دەيدى پيتەر گريففيتس.

ول ۇيىمىنداعى ءار ينسپەكتور ۇشاقتى تەكسەرگەن كەزدەگى قورىتىندىعا قول قويۋلارى كەرەك ەكەنىن ايتتى.

«اۆياتسيالىق ينسپەكتورلارعا قاتىستى مەنىڭ حالىقارالىق دارەجەدە بەدەلىم بار. ۇشاق ۇشقان كەزدە قاۋىپسىزدىكپەن تولىق قامتىلعانىنا كوز جەتكىزىپ الۋىمىز كەرەك. وقيعا بولعالى ماعان ءبىر دە ءبىر ادام حابارلاسىپ، «Bek Air» - ءدى قايتارۋ كەرەكتىگىن ايتقان جوق. سول سەبەپتى «Bek Air» حالىقارالىق ەرەجەلەرگە ساي جۇمىس ىستەۋگە دايىن بولسا - مەن «Bek Air» - ءدى باسقا دا تالاپقا ساي اۋە كومپانيالارىنداي قابىلدايمىن. ءبىراق «Bek Air» اۆياتسيالىق قاۋىپسىزدىكتى ءبىرىنشى ورىنعا قويۋى كەرەك. ولاي بولماعان جاعدايدى ەشقايسىسىمىز وعان ۇشۋعا رۇقسات ەتەتىن قۇجاتقا قول قويمايمىز»، - دەيدى ول.

باس ديرەكتور حالىقارالىق ينسپەكتورلار كومەكتەسۋ ءۇشىن جۇرگەندەرىن ايتتى.

«قازاقستاننىڭ كەڭ- بايتاق جەرى بار مەملەكەت. اۋماعىنىڭ ۇلكەندىگى سونداي - ۇشاقتى قاجەت ەتەدى. سىزدەر ۇشاق بيلەتىنىڭ باعاسى ارزان، قولجەتىمدى بولۋىن قالادىڭىزدار. «قازاقستاننىڭ اۆياتسيالىق اكىمشىلىگى» قازاقستاندىق اۋە كومپانيالارمەن سىزدەردىڭ وسى قالاۋلارىڭىزدى ورىنداۋ ءۇشىن، قازاقستاندىق جولاۋشىلار دا وزگە مەملەكەتتەردەگى جولاۋشىلار قولداناتىن مەحانيزمدەردى قولداناتىنداي ەتۋ ءۇشىن جۇمىس ىستەيدى. «Bek Air» وسى پروتسەستىڭ بولشەگى بولعىسى كەلەتىن- كەلمەيتىنىن ويلانۋى كەرەك. ول جولاۋشىلارىنا قۇرمەتپەن قاراۋعا دايىن ەكەن، ۇشقان كەزدە قاۋىپسىزدىكپەن قامتاماسىز ەتە الاتىنىن دالەلدەگەنشە ەشتەڭە دە وزگەرمەيدى. دەگەنمەن، ءبىز ولارعا قىزمەت ساپاسىن ارتتىراتىنىن دالەلدەۋگە مۇمكىندىك بەرەمىز.

جۇمىس اياقتالعان كەزدە ول قالاي جاۋاپ بەرگەنىن بىلەمىز. مەن قازاقستاندىق ازاماتتاردان ايىرىلىپ قالۋعا سەبەپشى بولاتىن تاعى ءبىر اۋە اپاتى بولۋىنا جول بەرمەيتىنىم انىق. وسىنداي ولقىلىقتارعا جول بەرگەن كەز كەلگەن اۋە كومپانياسى «قازاقستاننىڭ اۆياتسيالىق اكىمشىلىگى» تاراپىنان قاتاڭ تەكسەرىلەدى. مەنىڭ ۇيىمىمداعى قىزمەتكەرلەر ۇشۋ تالاپتارىنا ساي كەلمەيتىن اۋە كومپانياسىنىڭ ۇشاقتارىنىڭ ۇشۋىنا جول بەرسە - ءمان- جايدى ەڭ قاتاڭ جولمەن شەشەتىن بولامىن. بۇل تالاپتار ورىندالماي جاتقانىن تۇسىنگەن بولساڭىز، وسى سوزدەرىمدى ەسىمە سالۋعا بولادى»، - دەيدى «قازاقستاننىڭ اۆياتسيالىق اكىمشىلىگى» ا ق باس ديرەكتورى.

اۆتور: زارينا قاھارمان



باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات