+7 (701) 759 90 19
-14 °С : نۇر-سۇلتان
-4 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

الماتى ماڭىندا اپاتقا ۇشىراعان ۇشاق تۋرالى: مۇنداي ۇشاققا وتىرماس ەدىم - ليندا ورلەدي

24 قاڭتار 20:03
:ءبولىسۋ
الماتى ماڭىندا اپاتقا ۇشىراعان ۇشاق تۋرالى: مۇنداي ۇشاققا وتىرماس ەدىم - ليندا ورلەدي

نۇر- سۇلتان. قازاقپارات - «قازاقستاننىڭ اۆياتسيالىق اكىمشىلىگى» ا ق- نىڭ ۇشۋ قاۋىپسىزدىگى بويىنشا باستىعى ليندا ورلەدي الماتى ماڭىندا اپاتقا ۇشىراعان ۇشاقتىڭ كەمشىلىكتەرىن ايتتى، دەپ حابارلايدى قازاقپارات ءتىلشىسى.

«باتىس ينسپەكتورلارى جۇرگىزگەن تەكسەرۋ جۇمىستارى تۋرالى اقپارات الۋدىڭ مۇمكىندىگى تۋىپ، بيىل 20 - قاڭتاردا بۇقارالىق اقپارات قۇرالدارىندا «Bek Air» اۋە كومپانياسىنىڭ جۇمىسىنداعى كەمشىلىكتەر انىقتالعانى تۋرالى باسپا ءسوز حابارلاماسى جاريالانعان بولاتىن.

بۇل مالىمەت جاريالانعان كەزدە فوتوسۋرەت تۇرىندەگى اقپارات بولماعان ەدى. بۇگىن سىزدەرگە اپاتقا ۇشىراعان ۇشاقتا قانداي كەمشىلىكتەر بولعانىن سۋرەت تۇرىندە كورسەتەمىز»، - دەيدى ليندا ورلەدي «Bek Air» اۋە كومپانياسىنىڭ قىزمەتىن تەكسەرۋ بارىسىندا انىقتالعان كەمشىلىكتەرگە قاتىستى سۇراقتار بويىنشا وتكەن بريفينگتە.

ۇشاقتىڭ رادار ورنالاسقان الدىڭعى بولىگىنە كوپ زاقىم كەلگەن.

ەكى قوزعالتقىشتىڭ دا سايكەستەندىرۋ كەستەسى جوق.

جالعاناتىن قۇبىر تۋرالى (پايدالانۋعا جارامدىلىعى تۋرالى) بەلگى قويىلماعان، ەلەكتر سىمدارى تۋرالى مالىمەتتەر جازىلماعان جانە بەتى جابىلماعان.

جولاۋشىلاردى تاسىمالدايتىن ۇشاقتاردى پايدالانۋ كەزىندە قوزعالقىشتارىندا سايكەستەندىرەتىن كەستە جوق.

ەكى قوزعالتقىشتان دا ماي اققان جانە فيۋزەلياجدا مايدىڭ ىزدەرى بار.

قوزعالتقىشتاردان ماي اعىپ تۇر. ماي اعۋ نورماسى بويىنشا قۇجاتى جوق.

پيلوتتار كابيناسىنداعى سول جاقتا ورنالاسقان قوزعالمالى اينەك قاتپارلانىپ كەتكەن.

جۇك بولىگىندەگى پانەلدىك قوسىلىستاردا ورتتەن قورعايتىن تاسپالار جوق جانە جاعدايى ناشار كۇيدە.

دوڭگەلەكتەرى جەلىنىپ كەتكەن.

فيۋزەلياجدىڭ ورتا تۇسىنىڭ تومەنگى جاعىنان جانارماي اققان.

فيۋزەلياجدىڭ ورتا تۇسىنىڭ تومەنگى جاعىنان جانارماي اققان.

ۇشاقتىڭ جولاۋشىلار وتىراتىن سالونىنىڭ توبەسىنەن ماي اعىپ تۇر.

بورتتاعى جۇك سالۋ بولىگىنىڭ ەدەن تاقتالارىندا تەسىكتەر بار

ەدەن جابىندىسىنىڭ شەت جاقتارى دۇرىس جابىلماعان.

سونداي- اق، ليندا ورلەدي ۇشاقتىڭ كەسكىندەمەسى مەن بورتتاعى قۇجاتتار سايكەس كەلمەيتىنىن ايتتى.

«مىسالى، قۇجات بويىنشا جولسەرىك وتىراتىن جەردە 1 كرەسلو دەپ كورسەتىلسە، ءىس جۇزىندە 2 كرەسلو بار. پيلوت ۇشاقتىڭ جاعدايى قالاي ەكەنىن قولىمەن ۇستاپ كورىپ، تالاپقا ساي بولعانشا ۇشپايتىنىن ايتۋىنا دا بولار ەدى. تەكسەرىپ كورۋ ءۇشىن ارنايى كوتەرىلەتىن قۇرىلعى بولادى، ساۋالناما جۇرگىزگەن كەزىمىزدە پيلوتتار ونداي قۇرىلعىنىڭ بار ەكەنىن بىلمەيتىنىن انىقتادىق. ءوز باسىم مۇنداي ۇشاققا ەشقاشان وتىرماس ەدىم»، - دەيدى ول.

سونىمەن قاتار، «قازاقستاننىڭ اۆياتسيالىق اكىمشىلىگى» ا ق باس ديرەكتورى پيتەر گريففيتست قازىرگى ۋاقىتتا كومپانياعا قاتىستى ەكى تەكسەرۋ جۇرگىزىلۋدە ەكەنىن ايتتى.

اكسيونەرلىك قوعام جۇرگىزىپ جاتقان تەكسەرۋ جۇمىستارى 26 - قاڭتار كۇنى اياقتالادى. ەكىنشى تەكسەرۋ جۇمىستارىن قازاقستاننىڭ كولىك پروكۋراتۋراسى جۇزەگە اسىرادى.

اۆتور: زارينا قاھارمان


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات