ەلورداداعى قاسقىرلار تۋرالى جالعان اقپارات تاراتقاندار ىزدەستىرىلۋدە

None
None
نۇر- سۇلتان. قازاقپارات - ەلوردا اۋماعىندا قاسقىرلار كىرگەنى تۋرالى جالعان اقپارات تاراتقاندار ىزدەستىرىلۋدە. بۇل تۋرالى نۇر- سۇلتان قالاسى الماتى اۋدانى تابيعاتتى قورعاۋ پوليتسيا بولىمشەسىنىڭ باسشىسى ۆلاديمير كولياگين ءمالىم ەتتى، دەپ حابارلايدى قازاقپارات.

«الەۋمەتتىك جەلىلەردە ەلوردا اۋماعىندا قاسقىرلاردىڭ جۇرگەنى تۋرالى اقپارات شىندىققا جاناسپايدى. پوليتسيا قىزمەتكەرلەرى جالعان حابارلامالاردى تاراتقان اۆتورلاردى ىزدەستىرۋدە»، - دەدى ۆ. كولياگين.

وسى ورايدا ول جالعان اقپارات تاراتقانى ءۇشىن قىلمىستىق جازا قاراستىرىلعانىن، ەكىدەن بەس جىلعا دەيىن باس بوستاندىعىنان ايىرۋ تۇرىندەگى جاۋاپكەرشىلىك بار ەكەنىن ايتتى.

«قالا تۇرعىندارىن تارالعان جالعان اقپاراتقا وراي دۇربەلەڭ تۋدىرماۋعا، سونداي- اق وسى تەكتەس روليكتەرگە جانە نەگىزسىز قاۋەسەتتەرگە سەنبەۋگە شاقىرامىز»، - دەدى ۆلاديمير كولياگين.

بۇدان بۇرىن حابارلانعانداي، ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ وكىلى ەلوردا اۋماعىنا جانە قالا ماڭىنداعى ەلدى مەكەندەرگە قاسقىرلار كىرمەگەنىن مالىمدەدى.

اۆتور: رۋسلان عابباسوۆ

سوڭعى جاڭالىقتار