21:12, 24 - قاڭتار 2020 | GMT +6
ب ۇ ۇ باس حاتشىسىنىڭ ورىنباسارى قازاقستانعا كەلەدى
نۇر- سۇلتان. قازاقپارات - 31 - قاڭتار - 1 - اقپان ارالىعىندا قازاقستان ۇكىمەتىنىڭ شاقىرۋى بويىنشا ب ۇ ۇ باس حاتشىسىنىڭ ورىنباسارى – ب ۇ ۇ- نىڭ 75 جىلدىق مەرەيتويىن ۇيىمداستىرۋ جونىندەگى ارنايى كەڭەسشىسى فابريتسيو حوحشيلدتىڭ ساپارى كۇتىلۋدە، دەپ حابارلايدى قازاقپارات ءتىلشىسى.
«ساپار بارىسىندا 31 - قاڭتاردا فابريتسيو حوحشيلدتىڭ «Digital Almaty» فورۋمىنا قاتىسۋى، سيفرلىق دامۋ، ينوۆاتسيالار جانە ايەروعارىش ونەركاسىبى ءمينيسترى اسقار جۇماعاليەۆپەن كەزدەسۋى، سونداي- اق الماتى قالاسىندا ورنالاسقان حالىقارالىق ۇيىمداردىڭ عيماراتىنا بارۋى جوسپارلانىپ وتىر»، - دەدى ەلوردادا وتكەن باسپا ءسوز ءماسليحاتىندا ق ر س ءى م رەسمي وكىلى ايبەك سمادياروۆ.
ونىڭ ايتۋىنشا، 1- اقپاندا ب ۇ ۇ وكىلىنىڭ ساپارى نۇر- سۇلتان قالاسىندا جالعاسىپ، سىرتقى ىستەر ءمينيسترى مۇحتار تىلەۋبەردىمەن ەكىجاقتى كەزدەسۋى، يننوۆاتسيالار جونىندەگى «استانا حابىنا» بارۋى جانە قازاق مەملەكەتتىك زاڭ ۋنيۆەرسيتەتىنىڭ ستۋدەنتتەرىمەن كەزدەسۋى وتەدى.
اۆتور: ايان بەكەن ۇلى