قازاقتارى قاۋىمداستىعى ءتوراعاسىنىڭ ورىنباسارى باعدارلامالاۋ مەكتەبىنىڭ جۇمىسىمەن تانىستى

None
None
نۇر- سۇلتان. قازاقپارات - دۇنيەءجۇزى قازاقتارى قاۋىمداستىعى (د ق ق) ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ وسى جىلدىڭ 22 - قاڭتارىندا اشىلعان «Alem» باعدارلامالاۋ مەكتەبىندە بولدى، دەپ حابارلايدى دۇنيەءجۇزى قازاقتارى قاۋىمداستىعى باسپا ءسوز قىزمەتى.

ءبىلىم ورداسى وزگە مەملەكەتتەردەگى قازاق دياسپوراسى جاستارى اراسىنان جوعارى دەڭگەيدەگى IT ماماندارىن تاۋىپ، دايارلاۋدى كوزدەيدى.

ستۋدەنتتەر زاۋىتبەك تۇرىسبەكوۆكە مەكتەپ لەكسيالارىن، باعا قويۋ ءادىسىن جانە باسقا دا ءداستۇرلى ءبىلىم بەرۋ ەلەمەنتتەرىن مۇعالىمسىز باعدارلامالاۋدى قالاي ۇيرەنۋ كەرەكتىگى تۋرالى ايتتى.

Аlem - Umit Fund كوممەرتسيالىق ەمەس ءبىلىم بەرۋ قورىنىڭ جانە 01 Edu System  ەۋروپالىق ءبىلىم بەرۋ پلاتفورماسىنىڭ جوباسى.

« Alem مەكتەبىندە ءبىلىم بەرۋ  Peer learning پرينتسيپى بويىنشا قۇرىلعان. مەكتەپ باعدارلاماسىندا گەيميفيكاتسيا جۇيەسى بەلسەندى قولدانىلادى - ءاربىر تاپسىرما بەلگىلى ءبىر ءبىلىم مەن داعدىنى الۋعا باعىتتالعان. ولار ءار ستۋدەنت ءۇشىن جەكە- جەكە رەتتىلىكپەن كەلەسى دەڭگەيلەردەن ءوتۋ ءۇشىن قاجەت»، - دەيدى جوبا جەتەكشىسى داگار داۆلەتوۆ.

ساپار بارىسىندا ايتىلعانداي، «Alem » باعدارلامالاۋ مەكتەبى ق ر تۇڭعىش پرەزيدەنتى- ەلباسى، قاۋىمداستىقتىڭ ءتوراعاسى نۇرسۇلتان نازاربايەۆتىڭ دۇنيەءجۇزى قازاقتارىنىڭ 2017 -جىلى وتكەن قۇرىلتايى كەزىندە بەرگەن تاپسىرماسىنا ساي اشىلدى.

ەسكە سالا كەتەيىك، اتالعان قۇرىلتايدا ەلباسى تاراپىنان شەتەلدەردە ءتۇرلى سالالاردا ەڭبەك ەتىپ، كوزگە ءتۇسىپ جۇرگەن بەلسەندى قانداستارىمىز بەن ىسكەر تۇلعالاردىڭ قارجىلىق، ەكونوميكالىق جانە ىسكەرلىك مۇمكىندىكتەرىن ەل يگىلىگىنە جاراتۋ تاپسىرىلعان- دى.

ايتا كەتەتىن جايت، « Alem» باعدارلامالاۋ مەكتەبىنىڭ يدەياسىن مالتا رەسپۋبليكاسىنىڭ تۇرعىنى، بيزنەسمەن ەتنيكالىق قازاق نۇرتاي كەنجەبەكوۆ ۇسىندى. ول وسى جوبانىڭ ينۆەستورى بولىپ تابىلادى.

قاۋىمداستىق باسشىسى تاراپىنان شەتەلدەردەگى قانداستارىمىزدىڭ وكىلدەرىن اتالعان مەكتەپتە وقىتۋ، وسى باعىتتا مەكتەپتىڭ ۇسىناتىن مۇمكىندىكتەرى تۋراسىندا ءبىرشاما اڭگىمە قوزعادى. قانداستار اراسىنان شىققان IT سالاسىنا بەيىم جاستاردى مەكتەپكە تارتۋ جاعى پىسىقتالدى.

سوڭعى جاڭالىقتار