+7 (701) 759 90 19
14 °С : نۇر-سۇلتان
12 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

قازاقستان پرەزيدەنتى اكىمدەرمەن كەڭەس وتكىزدى

24 قاڭتار 18:26
:ءبولىسۋ
قازاقستان پرەزيدەنتى اكىمدەرمەن كەڭەس وتكىزدى

نۇر- سۇلتان. قازاقپارات - قاسىم- جومارت توقايەۆ «اقوردا» رەزيدەنسياسىندا وبلىستاردىڭ جانە نۇر- سۇلتان، الماتى، شىمكەنت قالالارىنىڭ اكىمدەرىمەن كەڭەس وتكىزدى، دەپ حابارلادى اقوردانىڭ باسپا ءسوز قىزمەتى.

پرەزيدەنت وبلىستار مەن رەسپۋبليكالىق ماڭىزى بار قالالاردىڭ باسشىلارىنا وڭىرلەردى دامىتۋدىڭ وزەكتى ماسەلەلەرىن جەدەل شەشۋ جونىندە ءبىرقاتار ناقتى مىندەت جۇكتەدى.

- ەل ەكونوميكاسىن دامىتۋدىڭ نەگىزگى مىندەتى - حالىقتىڭ تۇرمىس ساپاسىن جاقسارتۋ جانە ىشكى تۇراقتىلىقتى ساقتاۋ. سوندىقتان ءبارىمىز مەملەكەت مۇددەسى جولىندا ەڭبەك ەتۋگە ءتيىسپىز، - دەدى مەملەكەت باسشىسى. قازاقستان پرەزيدەنتى بيىلعى جىل قوعامدىق- ساياسي وقيعالارعا تولى بولاتىنىن اتاپ ءوتتى. ونىڭ پىكىرىنشە، مەرەيتويلارعا ارنالعان ءىس- شارانىڭ بارلىعى ىسكەرلىك جانە اتاۋلى سيپات الۋى ءتيىس.

- بۇل ادەتتەگى استا- توك مەرەكەنىڭ ءبىرى ەمەس، قايتا يدەولوگيالىق تۇرعىدان ىلگەرىلەۋگە جانە قازاقستاندىقتاردى بىرىكتىرۋگە باعىتتالعان پراگماتيكالىق شارالار كەشەنى بولۋى كەرەك. پرەزيدەنت اكىمشىلىگى وڭىرلەرگە شارالاردىڭ يدەولوگيالىق ماقسات- مىندەتىنە قاتىستى ناقتى نۇسقاۋ بەرەدى، - دەدى پرەزيدەنت.

قاسىم- جومارت توقايەۆ ۆولونتەر جىلىن ساپالى وتكىزۋدىڭ ماڭىزدىلىعىنا نازار اۋدارىپ، اكىمدەرگە مۇنىڭ مينيسترلىكتىڭ نەمەسە ۇكىمەت دەڭگەيىندە وتكىزىلەتىن كەزەكتى ءبىر اكسيا ەمەس، ەلىمىزدىڭ بۇكىل ايماقتارىنداعى ازاماتتاردىڭ باسىم بولىگىن قامتيتىن جۇيەلى جۇمىس ەكەنىن ەسكەرتتى. بۇل ىستە اتقارۋشى ورگاندار شەشۋشى ءرول اتقارۋى ءتيىس.

سونىمەن قاتار مەملەكەت باسشىسى اكىمدەرگە تۇرعىندار تاراپىنان تۇسەتىن وتىنىشتەر مەن تالاپ- تىلەكتەر بويىنشا اتقارىلاتىن جۇمىستى كۇشەيتۋدى، جاڭا فورماتتاعى اتاۋلى الەۋمەتتىك كومەكتى بەرۋ كەزىندە ماقساتتى توپتارعا ءتيىمدى ءتۇسىندىرۋ جۇمىستارىن جۇرگىزۋدى، سونداي- اق، مىندەتتى الەۋمەتتىك مەديتسينالىق ساقتاندىرۋدى ەنگىزۋدى تاپسىردى. پرەزيدەنت حالىق ءجيى تۇتىناتىن الەۋمەتتىك ماڭىزى بار تاۋارلار باعاسىنىڭ تۇراقتىلىعىن قامتاماسىز ەتۋدى تالاپ ەتتى.

قاسىم- جومارت توقايەۆ اكىمدەرگە تۇرعىنداردىڭ قاۋىپسىزدىگىن ساقتاۋ جانە وقىس وقيعالاردىڭ الدىن الۋ ءۇشىن ءتيىستى شارالار قابىلداۋدى تاپسىرىپ، توتەنشە جاعدايلاردان ساقتانۋدىڭ ماڭىزدىلىعىن اتاپ ءوتتى.

قازاقستان پرەزيدەنتى ءسوزىنىڭ سوڭىندا وڭىرلەردى دامىتۋ جانە الەۋمەتتىك ماسەلەلەردى شەشۋ اكىمدەرگە جۇكتەلگەن ماڭىزدى مىندەت ەكەنىن ايتتى.

كەڭەستەن كەيىن مەملەكەت باسشىسى وبلىستار مەن رەسپۋبليكالىق ماڭىزى بار قالالاردىڭ ءبىرقاتار اكىمدەرىمەن جەكەلەي كەزدەستى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات