توقايەۆ ۇكىمەت پەن اكىمدەر قاي سالاعا باسىمدىق بەرۋى كەرەكتىگىن ايتتى
«اگروونەركاسىپ كەشەنىندەگى احۋال دايەكتى سىن تۋدىرادى. سوڭعى 5 جىلدا اگروونەركاسىپ كەشەنىندە 2,4 تريلليون تەڭگەدەن استام قاراجات جۇمسالعانىنا قاراماستان ەلدىڭ جالپى ىشكى ونىمىندەگى اۋىل شارۋاشىلىعىنىڭ ۇلەسى 4,5 پايىزدان اسپادى. ەكسپورتتىق الەۋەت تە اشىلمادى. حالىقتىڭ ازىق- تۇلىكپەن تولىققاندى قامتاماسىز ەتۋ ماسەلەسى ساقتالىپ تۇر. ەلدە تۇتىنىلاتىن نەگىزگى ازىق- تۇلىكتىڭ جارتىسىن ءبىز يمپورتتاپ وتىرمىز. بۇل جايىندا كوپ ءسوز دە، تاپسىرما دا بولدى. ءبىراق تاپسىرما شەشىلمەي كەلەدى»، - دەدى مەملەكەت باسشىسى.
قازاقستان پرەزيدەنتىنىڭ ايتۋىنشا، اگروونەركاسىپ كەشەنىن دامىتۋ ءۇشىن جاڭا ءارى ەڭ باستىسى سىندارلى ءادىس قاجەت.
«اگروونەركاسىپ كەشەنى كوپ زارداپ شەككەن سالا. وندا كوپتەگەن سىناقتار جۇرگىزىلىپ، ءىس جۇزىندە ەلدىڭ ازىق- تۇلىك قاۋىپسىزدىگىنە ايتارلىقتاي زيان كەلدى. بۇل باعىت ەرتەڭنەن باستاپ- اق ۇكىمەت پەن وبلىس اكىمدەرى جۇمىستارىنىڭ باسىمدىعى بولۋى ءتيىس. مۇنان ارى ءدال وسىلاي جالعاستىرا بەرۋگە بولمايدى»، - دەدى قاسىم- جومارت توقايەۆ.
اۆتور: مارلان جيەمباي