توقايەۆ ەركىن ەكونوميكالىق ايماقتار جايىندا: ناشار باسقارىلادى

None
None
نۇر- سۇلتان. قازاقپارات - بيۋدجەتتەن 13 ەركىن ەكونوميكالىق ايماقتىڭ ينفراقۇرىلىمىنا قوسىمشا 340 ميلليارد تەڭگە جۇمسالعان.

بۇل تۋرالى ۇكىمەتتىڭ كەڭەيتىلگەن وتىرىسىندا قازاقستان پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«ءيا، ميكرو جانە شاعىن بيزنەستىڭ دامۋىنا سەرپىن بەرۋ ءۇشىن ولاردى سالىق تولەۋدەن بوساتتىق. بۇل، الەۋمەتتىك، ءتىپتى ساياسي كوزقاراس تۇرعىسىنان الىپ قاراعاندا دا ءوزىن- ءوزى اقتادى. ءبىراق، سالىقتان جاپپاي بوساتا بەرۋ كۇردەلى تەرىس سالدارعا الىپ كەلۋى مۇمكىن. 2019 -جىلدىڭ وزىندە عانا 4,5 تريلليون تەڭگەگە جەڭىلدىك بەرىلگەن. بيۋدجەتتىڭ شوعىرلاندىرىلعان كىرىسى 2005 -جىلعى ج ءى و- ءنىڭ 32 پايىزىنان 2019 -جىلى 18 پايىزعا دەيىن قىسقاردى»، - دەدى پرەزيدەنت.

مەملەكەت باسشىسىنىڭ دەرەگىنشە، ەركىن ەكونوميكالىق ايماقتار اياسىنداعى شارتتى تۇردەگى شىعىن كولەمىنىڭ ءوزى 2 تريلليون تەڭگەدەن اسىپ جىعىلادى.

«بيۋدجەتتەن 13 ەركىن ەكونوميكالىق ايماقتىڭ ينفراقۇرىلىمىنا قوسىمشا 340 ميلليارد تەڭگە جۇمسالعان. ال وسى ۋاقىتتا ەركىن ەكونوميكالىق ايماقتاردان تەك 170 ميلليارد تەڭگە عانا سالىق الىنعان. نەبارى 18 مىڭ عانا جۇمىس ورنى قۇرىلعان. ءىس جۇزىندە بارلىق ەركىن ەكونوميكالىق ايماقتى ساپالى تولىقتىرۋدا پروبلەماسى بار. ياعني، ناشار باسقارىلادى. باسقا سوزبەن ايتار بولساق، ەركىن ەكونوميكالىق ايماقتاردىڭ قىزمەتىنەن وتكەن 10-15 جىلدىڭ ىشىندە ايتارلىقتاي ناتيجە بايقالمايدى»، - دەدى قاسىم- جومارت توقايەۆ.

قازاقستان پرەزيدەنتى دۋبايداعى «دجەبەل الي» ەركىن ەكونوميكالىق ايماعى ەلدىڭ ج ءى ءو- ءسىنىڭ 25 پايىزىن، قالا ەكسپورتىنىڭ 50 پايىزىن جانە بىرىككەن اراب امىرلىكتەرگە كەلەتىن تىكەلەي شەتەل ينۆەستيتسياسىنىڭ 20 پايىزىن قامتاماسىز ەتەتىندىگىن مىسالعا كەلتىردى. وسىعان وراي مەملەكەت باسشىسى ۇكىمەتكە ۇسىنىلاتىن بارلىق سالىقتىق پرەفەرەنسيالاردىڭ تيىمدىلىگىنە جانە ماقساتتىلىعىنا تەكسەرۋ جۇرگىزۋدى تاپسىردى.

«ارينە، بارلىق ەركىن ەكونوميكالىق ايماقتاردى جاۋىپ تاستاۋعا بولمايدى. بۇل پروبلەمانى اقىلعا سالىپ قاراستىرۋ قاجەت»، - دەدى قاسىم- جومارت توقايەۆ.

اۆتور مارلان جيەمباي


سوڭعى جاڭالىقتار