پرەزيدەنت: ۇكىمەت مۇشەلەرىنە سوگىس ەمەس - مۇمكىندىك بەرىپ وتىرمىن

None
None
نۇر- سۇلتان. قازاقپارات - مەملەكەت باسشىسى ۇكىمەت مۇشەلەرىنە تاپسىرىلعان مىندەتتەردى ورىنداۋدا جاۋاپتى بولۋدى مىندەتتەدى، دەپ حابارلايدى قازاقپارات ءتىلشىسى.

«قۇرمەتتى جيىنعا قاتىسۋشىلار. بۇگىن وزدەرىڭىز كورىپ وتىرسىزدار، بەرىلگەن تاپسىرمالاردىڭ ءتيىستى دەڭگەيدە ورىندالماعانى ءۇشىن سوگىس جاريالاعان جوقپىن. ءبىراق، كەمشىلىكتەر جەتكىلىكتى. مىسالى، ءوز سوزىمدە ايتقانداي، حالىق تۇتىناتىن ەڭ قاجەتتى تاۋارلاردىڭ باعاسىن ءوسىرىپ جىبەرگەنى ءۇشىن قاتاڭ شارالار قولدانۋا بولار ەدى. جالپى العاندا سوگىس بەرۋ جاقسى ناتيجەگە جەتۋدىڭ اسا ءتيىمدى جولى ەمەس. بۇل مەنىڭ ناقتى ۇستانىمىم. سوندىقتان، ۇكىمەت مۇشەلەرىنە جانە اكىمدەرگە كەمشىلىكتەردى تۇزەتۋگە مۇمكىندىك بەرىپ وتىرمىن. سوندىقتان، بۇگىنگى جيىن بارىسىندا بەرىلگەن تاپسىرمالاردى زور جاۋاپكەرشىلىكپەن ورىنداۋ قاجەت. كوكتەمدە بۇل ماسەلەگە قايتا ورالامىز. سول كەزدە ءتۇرلى سەبەپتەرگە بايلانىستى وزدەرىنە جۇكتەلگەن مىندەتتەردى ءتيىستى دەڭگەيدە اتقارا الماعانداردى قىزمەتىنەن بوساتۋ جونىندە ناقتى شەشىم قابىلدايمىز. الدىمىزدا اۋقىمدى مىندەتتەر تۇر»، - دەدى قاسىم- جومارت توقايەۆ ۇكىمەتتىڭ كەڭەيتىلگەن وتىرىسىندا.

مەملەكەت باسشىسى بۇگىنگى جيىن بارىسىندا بەرىلگەن تاپسىرمالاردى زور جاۋاپكەرشىلىكپەن ورىنداۋ قاجەتتىگىن ەسكەرتتى.

اۆتور ايان بەكەن ۇلى

سوڭعى جاڭالىقتار