پرەزيدەنت ەلىمىزگە جاڭا ەكونوميكالىق باعىت كەرەكتىگىن ايتتى
«ەڭبەك ونىمدىلىگىنىڭ ەلەۋلى ءوسىمىنىڭ بولماۋى - ۇلكەن پروبلەما. بۇل جاعداي شىنىمەن دە پروبلەما. شيكىزاتتىق ەمەس ەكسپورتتىڭ ۇلەسى باياۋ ءوسىپ كەلەدى. ەكونوميكالىق ءوسىم ساپاسىنا بايلانىستى ماقساتتار اۋقىمدى ەكەنىن كورىپ وتىرسىزدار. ولاردىڭ ىشىندە باسىم بولىگى قۇرىلىمدىق پروبلەمالار. ولاردى ءبىز كوپ جىلداردان بەرى شەشىپ كەلەمىز»، - دەدى پرەزيدەنت.
سونىمەن قاتار، قاسىم- جومارت توقايەۆ ەلباسى قويعان ستراتەگيالىق ماقساتتارعا مىندەتتى تۇردە قول جەتكىزۋ كەرەكتىگىن اتاپ ءوتتى. وسى ورايدا اتالعان ستراتەگيالىق ماقساتتارعا قول جەتكىزۋدە ۇكىمەتتىڭ قادامدارىن قايتا جۇكتەۋدىڭ ۋاقىتى جەتىپ وتىر.
«رەفورمالاردى جۇزەگە اسىرۋ قارقىنى باياۋلاعانىن مويىنداۋ كەرەك. بۇل فاكتىنى حالىقارالىق جانە وتاندىق ساراپشىلار بەلگىلەپ وتىر. ەل ەكونوميكاسىنىڭ تەرەڭ رەفورمالارىنىڭ باعدارلاماسىن دايارلاۋ ماڭىزدى دەپ سانايمىن. بىزگە جاڭا ەكونوميكالىق باعىت كەرەك. رەفورمالار ەرىك پەن تاباندىلىقتى تالاپ ەتەدى، ۇكىمەتتى ءدال وسىنداي جىگەرگە شاقىرامىن. رەفورمالاردى ىسكە اسىرۋ ءۇشىن ەڭ الدىمەن مىقتى جىگەر كەرەك. ۇكىمەت وسى قاسيەتتى كورسەتەتى دەپ ۇمىتتەنەمىن. باسقا جول جوق، ويتكەنى ۋاقىتىمىز دا جوق»، - دەدى مەملەكەت باسشىسى.
اۆتور رۋسلان عابباسوۆ