توقايەۆ: تەك مەملەكەتتىڭ مۇددەسىنە ساي كەلەتىن قۇجاتتارعا قول قويۋ كەرەك

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ كەلىسسوزدەر كەزىندە تەك مەملەكەتتىڭ مۇددەسىنە ساي كەلەتىن كەلىسىمشارتتارعا قول قويۋ كەرەكتىگىن ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ ونىمدەردىڭ ساپاسى جەكە نازار اۋدارارلىق ماسەلە. ەۋرازيالىق ەكونوميكالىق وداقتىڭ رەگلامەنتتەرىنە جەتە الماي وتىرعاندا الىس جانە جاقىن شەتەلگە ەكسپورت تۋرالى قالاي ايتۋعا بولادى؟ ءسۇت بويىنشا تەحنيكالىق رەگلامەنت 2013 -جىلى قابىلدانعان بولاتىن. 2019 -جىلى ە ا ە و اياسىندا سەرىكتەستەرىمىزبەن مەرزىمدى تاعى بەس جىلعا شەگەرۋگە كەلىسۋگە تۋرا كەلدى. سالا دايىن بولماي قالدى. بۇل جەردە ەندى مىناداي سۇراق تۋىندايدى: سىزدەر نەلىكتەن مۇنداي كەلىسىمگە قول قويدىڭىزدار؟ كەلىسسوزدەر بارىسىندا تەك مەملەكەتتىڭ مۇددەسىنە ساي كەلەتىن قۇجاتتارعا قول قويۋ كەرەك» ، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

مەملەكەت باسشىسى بۇرىن قازاقستان كەز كەلگەن كەلىسىمدەرگە قول قويىپ كەلگەنىن ەسكە الدى.

«قازىرگى تاڭدا بۇل ءۇردىستى توقتاتۋ كەرەك. كەز كەلگەن كەلىسىمگە قول قويۋعا بولمايدى» ، - دەپ قاداپ ايتتى ق. توقايەۆ.

سوڭعى جاڭالىقتار