پرەزيدەنت ابايدىڭ مەرەيتويى تۋرالى: ىسىراپشىلدىق كەرەك ەمەس

None
None
نۇر- سۇلتان. قازاقپارات - ۇكىمەتتىڭ كەڭەيتىلگەن وتىرىسىندا ق ر پرەزيدەنتى قاسىم- جومارت توقايەۆ ابايدىڭ 175  جىلدىعىنا ارنالعان شارالار قانداي باعىتتا ءوتۋى كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

«قاجەتى بولسا بولىنگەن قارجىنى قىسقارتۋ كەرەك. ىسىراپشىلدىققا جول بەرمەۋ قاجەت، توي دەگەن تويلاۋ ءۇشىن ەمەس، بارىمىزگە تولعاۋ ءۇشىن كەرەك. سوندىقتان بۇل شارالاردا ۇقىپتىلىق بولۋ كەرەك، ياعني شەكتەن تىس كونسەرتتەردى ۇيىمداستىرۋدىڭ قاجەتى جوق. شەتەلدىك ارتىستەردى تارتۋ قاجەت ەمەس. ياعني، دەمەۋشىلىك قارجى بولىنگەننىڭ وزىندە، ىسىراپشىلدىق كەرەك ەمەس. مەنىڭ ويىمشا، وسى شارالاردى ىسكەرلىك تۇرعىدا وتكىزۋگە بولادى. ءسىز اكىمدەردىڭ اراسىندا ەڭ تاجىريبەلى ادامسىز. وسى ورايدا، ابايدىڭ 175  جىلدىعىن اتاپ ءوتۋ اياسىندا ۇيىمداستىرىلاتىن بارلىق شارالاردى مۇقيات پىسىقتاپ شىعىڭىزدار» ، - دەدى پرەزيدەنت شىعىس قازاقستان وبلىسىنىڭ اكىمى دانيال احمەتوۆكە قاراتا ايتقان سوزىندە.

مەملەكەت باسشىسى اتالعان شارالارعا اعارتۋشىلىق باستاۋدى ەنگىزۋدى تاپسىردى.

«بۇل شارالار تاجىريبەلىك ماڭىزدى، يدەولوگيالىق جۇكتەمىن قامتۋى كەرەك» ، - دەدى قاسىم- جومارت توقايەۆ.

سوڭعى جاڭالىقتار