+7 (701) 759 90 19
-2 °С : نۇر-سۇلتان
2 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

الماتى اۋەجايىندا كورونوۆيرۋستىڭ الدىن الۋعا ارنالعان وقۋ- جاتتىعۋ ءوتىپ جاتىر

24 قاڭتار 12:09
:ءبولىسۋ
الماتى اۋەجايىندا كورونوۆيرۋستىڭ الدىن الۋعا ارنالعان وقۋ- جاتتىعۋ ءوتىپ جاتىر

الماتى. قازاقپارات - حالىقارالىق الماتى اۋەجايىندا قىتاي مەن الەمنىڭ باسقا ەلدەرىندەگى ەپيدەميالىق جاعدايلارعا بايلانىستى جاتتىعۋ ءوتىپ جاتىر، دەپ حابارلايدى قازاقپارات ءتىلشىسى.

بۇل جاتتىعۋلاردى الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ۇيىمداستىردى.

سەناري بويىنشا، ۇشاقتىڭ بورتسەرىگى جولاۋشىلاردىڭ بىرىنەن كورونوۆيرۋس بەلگىلەرىن بايقايدى.

ارەكەت الگوريتمى 10: 57 دە باستالادى. ديسپەتچەرگە «Scat» اۋەكومپانياسىنان جولاۋشى لي يۋن سيۋدىڭ جوتەلىپ، دەنە قىزۋى كوتەرىلىپ جانە جاعدايىنىڭ ناشارلاعانى تۋرالى اقپارات تۇسەدى.


«جولاۋشىمەن اڭگىمەلەسۋ بارىسىندا بورتسەرىك ونىڭ ۋحان پروۆينسياسىندا تۇراتىنىن انىقتايدى. ول الماتىعا قوناققا ۇشىپ كەلە جاتقان. ناۋقاس بورتسەرىككە ۇشار الدىندا باسى اۋىرىپ، جوتەلىپ، قالتىراعانىن ايتادى. ناۋقاستىڭ كورونوۆيرۋستىق ينفەكتسيا شىققان ەلدە تۇراتىنىن جانە اۋرۋدىڭ كلينيكالىق بەلگىلەرىن سالىستىرعان بورسەرىگى قاۋىپتى ينفەكتسيانى جۇقتىردى دەپ كۇدىكتەنەدى. سەناريدىڭ جەلىسى وسىلاي» ، - دەيدى الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى گۇلايىم يسماعۇلوۆا.


سودان كەيىن، اۋە كەمەسىندە ەكيپاجدىڭ كومەگىمەن العاشقى سانيتارلىق جانە ەپيدەمياعا قارسى شارالار ۇيىمداستىرىلادى. ەسكەرتۋ سحەماسى مەن ارەكەت الگوريتمىنە سايكەس ينفەكتسيالىق اۋرۋلاردى انىقتاۋ بويىنشا ءتيىستى شارالار قابىلدانادى.

ايتا كەتۋ كەرەك، جاتتىعۋ شاراسىنا اۋەجاي قىزمەتتەرى، الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ، كولىك دەپارتامەنتىنىڭ ماماندارى، كارانتيندىك جۇقپالى ينفەكتسيالار عىلىمي ورتالىعى، اۋەجايدىڭ مەديتسينالىق قىزمەتى، الماتى قالالىق قوعامدىق دەنساۋلىق ساقتاۋ باسقارماسى، جەدەل جاردەم بريگاداسى مەن زالالسىزداندىرۋ ورتالىعىنىڭ ماماندارى جۇمىلدىرىلدى.


جاتتىعۋ بارىسىندا ۇلتتىق عىلىمي ورتالىعىنىڭ كوروناۆيرۋستىق ينفەكتسيا تۋرالى قىسقاشا تانىستىرىلىمى بولادى.


ەسكە سالايىق، 23 - قاڭتار كۇنگى جاعداي بويىنشا، 29 پروۆينتسيادا (اۋدان، قالالار) جاڭا كوروناۆيرۋستى بارلىعى 830 ادام جۇقتىرعانى راستالىپ، ولىممەن اياقتالعان 25 وقيعا تىركەلدى.



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات