+7 (701) 759 90 19
4 °С : نۇر-سۇلتان
11 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

مەملەكەت باسشىسى التاي كولگىنوۆكە قالانى اباتتاندىرۋعا قاتىستى مىندەتتەر جۇكتەدى

24 قاڭتار 12:02
:ءبولىسۋ
مەملەكەت باسشىسى التاي كولگىنوۆكە قالانى اباتتاندىرۋعا قاتىستى مىندەتتەر جۇكتەدى

نۇر- سۇلتان. قازاقپارات - پرەزيدەنت قاسىم- جومارت توقايەۆ ەلوردا اكىمى التاي كولگىنوۆكە قالانى اباتتاندىرۋعا قاتىستى مىندەتتەر جۇكتەدى، دەپ حابارلايدى قازاقپارات ءتىلشىسى.

«جالپى، ءبىزدىڭ ەلوردادا ءتيىستى جۇمىستار بەلسەندى تۇردە جۇرگىزىلىپ جاتىر. بۇنى اتاپ ءوتۋ كەرەك. ءسىزدىڭ استانا اكىمى رەتىندە الەۋمەتتىك تۇرعىداعى جۇمىسىڭىزدى اتاپ وتكىم كەلەدى. تۇرعىندارمەن، اسىرەسە پروبلەمالىق ساناتتاعى ادامدارمەن كەزدەسىپ، ماسەلەنى شەشۋدە جۇمىستارىڭىز جاقسى ءجۇرىپ جاتىر. سىزدەر حالىقتىڭ ماسەلەسىن تىڭداپ، جاعدايدى ءتۇسىندىرىپ جاتىرسىزدار. بۇل جۇمىس وتە ماڭىزدى. ونى جالعاستىرۋ كەرەك» ، - دەدى پرەزيدەنت ۇكىمەتتىڭ كەڭەيتىلگەن وتىرىسىندا ەسەپ بەرگەن ەلوردا اكىمى التاي كولگىنوۆكە قاراتا ايتقان سوزىندە.

سونىمەن بىرگە، پرەزيدەنت قالا ماڭىن ءتيىستى الەۋمەتتىك، كولىكتىك، تۇرعىن ءۇي ينفراقۇرىلىمدارىمەن قامتۋدىڭ وزەكتى ماسەلەسىنە نازار اۋدارۋ كەرەكتىگىن تاپسىردى.

«جالپى، قالانى ءاردايىم اباتتاندىرۋ جۇمىسىن جۇرگىزىپ تۇرۋ كەرەك. اۋدان اكىمدەرىن وسىناۋ ماڭىزدى جۇمىستارعا باعىتتاۋ كەرەك. سونىڭ ىشىندە ءوز ورىنباسارلارىڭىزدىڭ ءبىرىن وسى جۇمىسقا بەكىتۋ كەرەك. ەگەر ءتيىستى مامان جەتپەي جاتسا، ۇكىمەتپەن اقىلداسىپ، جۇمىسقا الىڭىزدار. سەبەبى، بىزگە كەلەتىندەر - ءوز حالقىمىز بولسىن، شەتەلدىك مەيماندار بولسىن - قالانىڭ كەيبىر كەمشىن تۇسىنا ءمان بەرەدى. بۇل كليماتتىق جاعدايمەن بايلانىستى ەكەنىن تۇسىنەمىن. ءبىراق، ەلوردادا ءاردايىم اباتتاندىرۋ جۇمىسىن جۇرگىزىپ تۇرۋ كەرەك. سەبەبى، بۇل قالا - ءبىزدىڭ مەملەكەتتىڭ بەت- بەينەسى» ، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات