ەربولات دوسايەۆ: تومەن كىرىسى بار ازاماتتارعا قارىزدار بەرۋگە تىيىم سالىندى

None
None
نۇر- سۇلتان. قازاقپارات - ەكىنشى دەڭگەيلى بانكتەردىڭ كاپيتالىنا قويىلاتىن تالاپتار جوعارىلادى. بۇل تۋرالى ۇكىمەتتىڭ كەڭەيتىلگەن وتىرىسىندا ق ر ۇلتتىق بانك ءتوراعاسى ەربولات دوسايەۆ ءمالىم ەتتى، دەپ حابارلايدى قازاقپارات ءتىلشىسى.

«جالپى العاندا، ەكونوميكاعا بەرىلگەن كرەديتتەر 2019 -جىلدىڭ سوڭىنا قاراي 13,9 تىريلليون تەڭگە بولدى. ولاردىڭ باعا جاعىنان قولجەتىمدىلىگى جوعارىلاپ جاتىر - بيزنەس ءۇشىن تەڭگەمەن بەرىلەتىن كرەديتتەر بويىنشا ستاۆكا (2018 -جىلعى% 12,4 پەن سالىستىرعاندا) 2019 -جىلى ورتاشا العاندا 12 پايىزعا دەيىن تومەندەدى. وتكەن جىلى كرەديتتىك پورتفەلدىڭ نەگىزگى ءوسۋى 26,9 پايىزعا ۇلعايعان تۇتىنۋشىلىق كرەديتتەۋدىڭ كەڭەيۋىنە بايلانىستى بولعانىن مويىنداۋ كەرەك. وسىنداي ءوسۋدىڭ جۇيەلىك تاۋەكەلدى ىسكە اسىرۋعا الىپ كەلۋى مۇمكىن ەكەنىن تۇسىنە وتىرىپ، 2019 -جىلى كەپىلسىز تۇتىنۋشىلىق قارىزدارعا قاتىستى رەتتەۋ شارالار كەشەنى قابىلدانعان بولاتىن» ، - دەدى ە. دوسايەۆ.

ونىڭ سوزىنە قاراعاندا، ەكىنشى دەڭگەيلى بانكتەردىڭ كاپيتالىنا قويىلاتىن تالاپتار جوعارىلاتىلدى، قارىز بويىنشا وتەۋ مەرزىمىن وتكىزىپ الۋ 90 كۇننەن اسقان كەزدە ايىپپۇلدار مەن كوميسسيالار ەسەپتەۋگە تىيىم سالۋ ەنگىزىلدى.

«ەڭ تومەنگى كۇنكورىس دەڭگەيىنەن تومەن كىرىسى بار ازاماتتارعا قارىزدار بەرۋگە تىيىم سالىندى. بارلىق وسى شارالار كرەديت نارىعىنىڭ دامۋىن اناعۇرلىم تەڭگەرىمدى ەتۋگە مۇمكىندىك بەرەدى» ، - دەدى ۇلتتىق بانك ءتوراعاسى.

سوڭعى جاڭالىقتار