ۇكىمەت باسشىسى ەكونوميكانىڭ قوزعاۋشى كۇشى بولىپ وتىرعان سالالاردى اتادى
«جالپى، ەل ەكونوميكاسى تۇراقتى دامۋ جولىندا. 2019 -جىلى جالپى ىشكى ءونىمنىڭ ءوسىمى 4,5 پايىزدى قۇرادى. ونىڭ 85 پايىز شيكىزاتتىق ەمەس سالالار ەسەبىنەن قامتاماسىز ەتىلدى. ەكونوميكالىق ءوسىمنىڭ قوزعاۋشى كۇشتەرى - قۇرىلىس، ساۋدا، كولىك سالالارى بولدى. وڭدەۋ ونەركاسىبىندەگى ءوسىم 4,4 پايىزدى قۇرادى. بۇعان نەگىزىنەن ماشينا جاساۋ سالاسى، سونىڭ ىشىندە اۆتوكولىك جاساۋ، ماشينالار مەن جابدىقتار ءوندىرىسى، فارماتسيەۆتيكا جانە جەڭىل ونەركاسىپ ۇلەس قوستى. تاۋ- كەن ونەركاسىبى 3,7 پايىزعا ءوستى. بۇل كورسەتكىشكە مەتالل كەنىن ءوندىرۋ كولەمىن 16 پايىزعا ارتتىرۋدىڭ ناتيجەسىندە قول جەتكىزىلدى» ، - دەدى اسقار مامين پرەزيدەنت قاسىم- جومارت توقايەۆتىڭ قاتىسۋىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا .
اسقار مامين نەگىزگى كاپيتالعا ينۆەستيتسيا 8,5 پايىزعا، ال جەكە ينۆەستيتسيا 9,5 پايىزعا وسكەن.
«حالىقتىڭ ناقتى تابىسى 5,5 پايىزعا ءوستى. 2019 -جىلى 2,7 ميلليون ادامنىڭ جالاقىسى ءوستى. وعان ەڭ تومەنگى جالاقىنى ۇلعايتۋ شاراسى نەگىز بولىپ وتىر» ، - دەدى ول.