كوميتەت پەن اكىمدىك ەلوردا ماڭىندا جۇرگەن قاسقىر تۋرالى ۆيدەوعا پىكىر ءبىلدىردى

None
None
نۇر- سۇلتان. قازاقپارات - نۇر- سۇلتان قالاسىنىڭ اكىمدىگى مەن ورمان شارۋاشىلىعى جانە جانۋارلار دۇنيەسى كوميتەتى ەلوردا ماڭىنداعى قاسقىرلار تۋرالى ۆيدەولاردى تەرىسكە شىعاردى، دەپ حابارلايدى قازاقپارات.

«الەۋمەتتىك جەلىلەردە قالانىڭ شەتكەرى ايماقتارىندا جۇرگەن قاسقىرلار تۋرالى تاراپ جاتقان اقپارات شىندىققا جاناسپايدى. جالعان اقپاراتتى تاراتۋ جاۋاپكەرشىلىككە تارتۋعا الىپ كەلەتىنىن ەستە ساقتاپ جۇرگەن ءجون» ، - دەپ جازدى ەلوردالىق اكىمدىكتىڭ باسپا ءسوز حاتشىسى اقمارال ولجابايەۆا facebook جەلىسىندە.

ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەتتىڭ ايتۋىنشا، جەلىگە تاراعان ۆيدەولار بىرنەشە جىل بۇرىن رەسەيدە جانە قازاقستاننىڭ وزگە وڭىرلەرىندە تۇسىرىلگەن.

ەسكە سالا كەتسەك، 2020 -جىلى رەسپۋبليكا بويىنشا جالپى 4824 قاسقىر مەن 11733 ءشيبورى اتۋعا رۇقسات بەرىلدى.

سوڭعى جاڭالىقتار