+7 (701) 759 90 19
-2 °С : نۇر-سۇلتان
2 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

ماگنيتتى ءورىس قاشان پايدا بولدى؟

24 قاڭتار 14:27
:ءبولىسۋ
ماگنيتتى ءورىس قاشان پايدا بولدى؟

نۇر-سۇلتان. قازاقپارات - جەر پايدا بولعان 4,5 ميلليارد جىلدا ونىڭ تۇرعىندارى ەكى قاۋىپتى كەزەڭدى باستان وتكەردى. الايدا ەكى جاعدايدا دا جەردىڭ ماگنيتتى ءورىسى وركەنيەتتىڭ جويىلىپ كەتپەۋىنە سەبەپ بولدى.

كۇن - الەمدەگى بەيمازا جۇلدىزداردىڭ ءبىرى. كۇننىڭ جەلى ارقىلى جەرگە ءاربىر سەكۋند سايىن قاۋىپتى زاتتار كەلەدى. مارستىڭ «قىزىل عالامشارعا» اينالۋىنا ءدال وسى كۇن تىكەلەي اسەر ەتكەن. بۇرىن مارس سۋى، اتموسفەراسى بار، تىرشىلىك ەتۋگە قولايلى پلانەتا بولعان دەسەدى. الايدا ول ماگنيتتى ورىستەن ايىرىلعان سوڭ كۇن ونى «ورتەپ» جىبەرگەن. PNAS جۋرنالىنىڭ زەرتتەۋىنە سايكەس، جەردىڭ ماگنيتتى ءورىسى ەرتە پايدا بولعان كورىنەدى. بۇعان دەيىن ماگنيتتى ءورىس وسىدان 3,5 ميلليارد جىل بۇرىن ءتۇزىلدى دەپ سانالعان. الايدا 2015 -جىلى روچەستەر ۋنيۆەرسيتەتىنىڭ پروفەسسورى دجون تاردۋنو باستاعان ءبىر توپ عالىم ماگنيتتى ءورىس جەر «ومىرگە كەلگەن» سوڭ 300 ميلليون جىلدان كەيىن پايدا بولعانىن دالەلدەدى.

العاشقى كەزەڭدە ماگنيتتى ءورىس قازىرگىگە قاراعاندا ەداۋىر قۋاتتى بولعان. ويتكەنى وعان جاس ءارى كۇيگەلەك كۇنمەن كۇرەسۋگە تۋرا كەلدى. جەردەگى ەڭ ەجەلگى زاتتاردىڭ ءبىرى سيركوندى زەرتتەۋ كەزىندە ماگنيتتى ءورىستىڭ كەم دەگەندە 4,1 ميلليارد جىل بۇرىن پايدا بولعانى جانە ونىڭ الدەقايدا قۋاتتى بولعانى انىقتالعان. وسىنداي ماڭىزى بار قۇبىلىس ەكى مارتە جەردەگى تىرشىلىك اتاۋلىنىڭ جويىلۋىنا مۇمكىندىك بەرمەگەن. حادەي جانە ەدياكر كەزەڭىندە جەردىڭ يادروسى ۇلكەيە باستاعان، سول ساتتە ماگنيتتى ءورىس جوعالىپ كەتە جازداعان. الايدا ماگنيتتى ءورىس بار قيىندىقتان امان- ەسەن ءوتىپ، جەردەگى تىرشىلىكتىڭ جويىلىپ كەتپەۋىنە سەپ بولعان.

Massaget.kz



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات