سۋىقتا شىققان سىزداۋىقتى قالاي ەمدەيدى؟

None
None
 نۇر-سۇلتان. قازاقپارات - كۇن سۋىتقاندا سىزداۋىق ءجيى شىعادى. ونى كەي جەرلەردە شيقان دەپ تە اتايدى. سىزداۋىق اسقىنىپ كەتسە، كوپكە سوزىلادى.

 اسىرەسە، بەتكە، مويىنعا شىققاندا وتە قاۋىپتى. ويتكەنى، قان تامىرلارى ارقىلى اۋرۋدىڭ ۋىتى ميعا شاۋىپ كەتۋى مۇمكىن. سىزداۋىق سۋىقتىڭ اسەرىنەن، مايلى بەز بەن تكانىنىڭ قابىنۋىنان جانە كيىم قاجاعاندا، نە تەرىنىڭ ءبىر نارسە سىزىپ كەتكەن جەرىن اۋرۋ قوزدىرعىش (ستافيلوكوكك) ميكروبى ەنۋىنەن بولادى. سىزداۋىقتىڭ جالعاسىپ بىرنەشەۋ بولىپ شىققان ءتۇرىن فۋرۋنكۋلەز دەيدى.

سىزداۋىقتى قولمەن سىعۋ، ينەمەن، تۇيرەۋىشپەن شۇقۋ مۇلدە قاتە. ونىڭ جارىلىپ، ىشىندەگى سوقتاسىمەن قاندى ءىرىڭنىڭ شىعۋىنا تەك دارىگەرلىك ەمدى عانا پايدالانعان ءجون. ادام دۇرىس تاماقتانىپ، دەنە، توسەكورىن تازالىعىن ساقتاسا، سپورتپەن اينالىسسا، سىزداۋىقتان اۋلاق بولادى.

شيقاننىڭ بىردەن- ءبىر ەمى - پياز. پيازدى ەكىگە بولەدى دە، ءبىر جارتىسىن تاباعا كۇيدىرمەي قىزدىرادى، بىلقىلداپ بوساسا جەتكىلىكتى. ىستىق كۇيىندە شيقاننىڭ اۋزىنا تارتىپ، تاڭىپ تاستايدى. پيازدى 4 ساعات سايىن جاڭالايدى. كوپ كەشىكپەي شيقان جارىلىپ، جازىلادى.

سوڭعى جاڭالىقتار