+7 (701) 759 90 19
-15 °С : نۇر-سۇلتان
-2 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

ەلوردادا گيد ماماندارى تاپشى

24 قاڭتار 09:50
:ءبولىسۋ
ەلوردادا گيد ماماندارى تاپشى

نۇر- سۇلتان. قازاقپارات - باس قالادا گيد ماماندارى مەن ەكسكۋرسيا جەتەكشىلەرى جەتىسپەيدى، اسىرەسە شەت ءتىلدى ماماندار، دەپ حابارلايدى قازاقپارات ءتىلشىسى.

«نۇر- سۇلتان قالاسىندا ءتۋريزمنىڭ دامۋىنا قاتىستى شەشىلۋى ءتيىس ماسەلەنىڭ ءبىرى - گيد ماماندارىنىڭ تاپشىلىعى. بىزدە قازاق، ورىس ءتىلدى گيد ماماندارى بار، اعىلشىن ءتىلدى دە جەتكىلىكتى. ال فرانسۋز، يتاليا، نەمىس جانە يسپان ءتىلدى ماماندار جەتىسپەيدى. وسىعان وراي قالالىق كاسىپكەرلەر پالاتاسى وتكەن جىلى گيد، ەكسكۋرسيا جەتەكشىسى جانە اۋدارماشى ماماندارىن دايارلايتىن 2 بىردەي وقۋ ورتالىعىن اشتى. وندا وتكەن جىلى 77 ادام ءبىلىم الىپ شىقتى. بۇل جۇمىس بيىل دا جالعاسادى. وسى ورايدا ايتارىم، ەگەر قالاداعى قوناق ۇيلەر مەن تۋريستىك ۇيىمدار جوعارىدا اتالعان مامانداردىڭ ءبىلىمىن جەتىلدىرگىمىز كەلەدى دەپ قىزىعۋشىلىق تانىتسا، ءبىز مەملەكەتتىك قولداۋ كورسەتىپ، قول ۇشىن سوزۋعا دايىنبىز» ، - دەدى نۇر- سۇلتان قالاسى «اتامەكەن» ۇلتتىق كاسىپكەرلەر پالاتاسى ديرەكتورىنىڭ كوممەرتسيالىق سۇراقتار جونىندەگى ورىنباسارى بەيسەن جولبولديەۆ.

ونىڭ ايتۋىنشا، وقۋ مەرزىمى ماماننىڭ بىلىكتىلىگىنە قاراي 1 ايدان 3 ايعا دەيىن جالعاسادى.

«ەگەر وقۋدى ءساتتى اياقتاعان جاعدايدا جۇمىسقا ورنالاسۋ مۇمكىندىگى دە قاراستىرىلادى. جالپى تۋريزم دامىعان ەلدەردە اتالعان ماماندىق يەلەرى جوعارى سۇرانىسقا يە. ال بىزدە ءالى دە ءبىراز تەر توگۋدى قاجەت ەتەدى» ، - دەدى ول.

ايتا كەتەيىك، بۇگىن قالالىق «اتامەكەن» ۇلتتىق كاسىپكەرلەر پالاتاسىنىڭ قابىرعاسىندا ەلوردادا تۋريزم سالاسىن دامىتۋدى ىلگەرىلەتۋگە ارنالعان دوڭگەلەك ۇستەل ءوتتى.


باستى سوزدەر: استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات