+7 (701) 759 90 19
-2 °С : نۇر-سۇلتان
2 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

اقتوبەدەگى جوعارى وقۋ ورنىندا «اباي تانۋ» كۋرسى ەنگىزىلدى

24 قاڭتار 09:26
:ءبولىسۋ
اقتوبەدەگى جوعارى وقۋ ورنىندا «اباي تانۋ» كۋرسى ەنگىزىلدى

اقتوبە. قازاقپارات - اقتوبەلىك ستۋدەنتتەر ماماندىقتارىنا قاراماستان «اباي تانۋ» كۋرسىنا قاتىسادى، دەپ حابارلايدى قازاقپارات ءتىلشىسى.

ابايدىڭ 175 جىلدىعىنا ارنالعان شارا س. بايىشيەۆ اتىنداعى اقتوبە ۋنيۆەرسيتەتىندە 2019 -جىلدان بەرى وتكىزىلىپ كەلەدى. ستۋدەنتتەر ولەڭدەرىن، قارا سوزدەرىن جاتتادى.

«اباي مۇرالارىن، بولمىسىن تانىتۋ ماقساتىندا ءدارىس سيكلى دايىندالدى. ⅩⅨ عاسىردا ايتىلعان ويدىڭ ⅩⅨعاسىرداعى كورىنىسى، ساباقتاستىعى ستۋدەنتتەرگە جەتكىزىلەدى. سونىمەن قاتار «اباي تانۋ» كۋرسى بارلىق فاكۋلتەتتە وتەدى. ءار قازاق ماماندىعىنا قاراماستان ابايدى ءبىلۋى قاجەت. ۇلتتىق پاتريوتيزمدى دامىتۋ پارىزىمىز ءارى اباي ورتالىعىن اشۋدى جوسپارلاپ وتىرمىز» ، - دەدى س. بايىشيەۆ ۋنيۆەرسيتەتى «رۋحاني جاڭعىرۋ» ورتالىعىنىڭ ديرەكتورى مۇحتار ميروۆ.

عالىمدار «اباي تانۋ» پانىنەن ساباق بەرەتىن وقىتۋشىلار ستۋدەنتتەر ءۇشىن ابايدى ءتۇسىنۋ، ۇعۋ ءوزىن تانۋعا كومەكتەسەدى دەگەن ويدا.

«ابايدىڭ ۋاقىتى ⅩⅨعاسىردىڭ ەكىنشى جارتىسى. ول حالىقتىڭ كەمشىلىكتەرىن سىناپ، ەلىن العا سۇيرەگەن ادام. سول زاماندا دا حالىققا اباي كەرەك بولدى. قازىرگى ۋاقىتتا اباي اسا قاجەت. ۇلى اقىن «مال ىزدەمە، ءبىلىم ىزدە، عىلىم ىزدە» دەيدى. ءقازىر وقيدى، ءبىلىمى بار، ءبىراق ويى نەگە تاياز؟ ءبىلىم تەك ديپلوم، قاعازبەن ولشەنبەيدى. ادامگەرشىلىك، قازاقتىڭ ۇلتتىق قۇندىلىقتارىن ساقتاۋ جونىنەن كوپ كەمشىلىك بار. وسى تۇستا مەملەكەت باسشىسى قاسىم - جومارت توقايەۆتىڭ ماقالاسى ىزدەگەنگە سۇراعان بولدى دەپ ويلايمىن. ءوزىم «اباي تانۋ» پانىنەن ساباق بەرەمىن. ابايدىڭ 175, قۇدايبەرگەن جۇبانوۆتىڭ 120 جىلدىعى اياسىنا ستۋدەنتتەر ۇلكەن شارالارعا قاتىسىپ جاتىر. قۇدايبەرگەن جۇبانوۆتىڭ «اباي - قازاق ادەبيەتىنىڭ كلاسسيگى» دەگەن اياقتالماعان تۋىندىسى بار. مۇنى دا ستۋدەنتتەرگە جان- جاقتى جەتكىزەمىز» ، - دەدى فيلولوگيا عىلىمدارىنىڭ دوكتورى، پروفەسسور بايان بوراش.


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات