+7 (701) 759 90 19
-15 °С : نۇر-سۇلتان
-2 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

ەلوردادا قاردى ۋاقىتىلى تازالاماعاندارعا ايىپپۇل سالىندى

24 قاڭتار 08:51
:ءبولىسۋ
ەلوردادا قاردى ۋاقىتىلى تازالاماعاندارعا ايىپپۇل سالىندى

نۇر- سۇلتان. قازاقپارات - 2020 -جىلى باستالعالى قاردى ۋاقىتىندا تازالاماعان 200 گە جۋىق قۇقىقبۇزۋشىلىق تىركەلىپ، ناتيجەسىندە كىنالىلەرگە 4,98 ميلليون تەڭگەنىڭ ايىپپۇلى سالىندى، دەپ حابارلايدى قازاقپارات ءتىلشىسى.

بۇل تۋرالى نۇر- سۇلتان قالاسى پوليسيا دەپارتامەنتى جەرگىلىكتى پوليسيا قىزمەتى باسقارماسى تابيعاتتى قورعاۋ پوليسياسى توبىنىڭ ينسپەكتورى البينا بەركىنبايەۆا ءمالىم ەتتى

«ەلوردانىڭ سانيتارلىق جاعدايىن جاقسارتۋ ماقساتىندا تابيعاتتى قورعاۋ پوليسياسى توبىنىڭ قىزمەتكەرلەرى كۇن سايىن قالاداعى قار تازالاۋ جۇمىستارىن قاداعالايدى. جىل باسىنان بەرى قاردى ۋاقىتىندا تازالاماعانى ءۇشىن 172 قۇقىقبۇزۋشى جاۋاپقا تارتىلىپ، ولارعا 4 ميلليون 985 مىڭ 985 تەڭگە ايىپپۇل سالىندى. سونداي- اق، قار تازالاۋ جۇمىستارىن دۇرىس جانە ۋاقىتىندا اتقارماعان، سول سياقتى ىسىنە سالعىرت قاراعان 26 پيك، ج ش س ۇيىمى اكىمشىلىك جاۋاپكەرشىلىككە تارتىلدى. جانە ولارعا 954 مىڭ تەڭگە ايىپپۇل سالىندى. سونىمەن قاتار، كۆارتال ارالىق اۋماقتاردىڭ تازالىعىنا جاۋاپتى مەردىگەر ۇيىمدارعا دا باقىلاۋ كۇشەيتىلدى. 2020 -جىل باستالعالى 30 استانالىق مەردىگەر ۇيىم اكىمشىلىك جاۋاپكەرشىلىككە تارتىلىپ، ولارعا 2 ميلليون 315 مىڭ 290 تەڭگەنىڭ ايىپپۇلى سالىندى» ، - دەدى ا. بەركىنبايەۆا اكىمدىكتە وتكەن جيىن بارىسىندا.

ودان بولەك، پوليسيا ينسپەكتورى جەكە اۋماقتاردىڭ يەسى بولىپ تابىلاتىن شاعىن جانە ورتا كاسىپكەرلىك وكىلدەرىنىڭ دە جاۋاپقا تارتىلعانىن تىلگە تيەك ەتتى.

«اباتتاندىرۋ ەرەجەلەرىنە سايكەس، شاعىن جانە ورتا كاسىپكەرلەر مەن عيماراتتاردى جالعا الۋشىلار وزدەرىنە تيەسىلى اۋماقتاردىڭ قارىن سانيتارلىق ەرەجەنى ساقتاپ، ۋاقىتىلى تازارتۋى ءتيىس. دەگەنمەن وعان سالعىرت قارايتىندار بار. وعان دالەل، جىل باسىنان ەلوردادا 87 شاعىن جانە ورتا كاسىپكەرلىك نىسانى جاۋاپكەرشىلىككە تارتىلىپ، ولارعا 788 مىڭ 850 تەڭگەنىڭ ايىپپۇلىن تولەۋ مىندەتتەلدى. سول سياقتى قاردى بەلگىلەنبەگەن جەرگە توككەن 29 اۋىر جۇك كولىگىنىڭ جۇرگىزشىلەرى جازالاندى. ولار جالپى سوماسى 927 مىڭ 850 تەڭگە تولەۋگە ءتيىستى» ، - دەدى ول.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات