+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ەلورداداعى بوران قاشان توقتايدى - قازگيدرومەت بولجامى

23 قاڭتار 19:29
:ءبولىسۋ
ەلورداداعى بوران قاشان توقتايدى - قازگيدرومەت بولجامى

نۇر- سۇلتان. قازاقپارات - «قازگيدرومەت» ر م ك قاڭتار ايىنىڭ ءۇشىنشى ونكۇندىگىندەگى ەلوردانىڭ اۋا رايى بولجامىن جاريالادى، دەپ حابارلايدى قازاقپارات.

«الداعى ءۇش تاۋلىكتە قازاقستان اۋا رايىندا ايتارلىقتاي وزگەرىس بولمايدى. رەسپۋبليكانىڭ باسىم بولىگى رەسەي مەن سكانديناۆيانىڭ سولتۇستىك ايماقتارى ارقىلى جىلجيتىن اتلانتيكالىق سيكلوندارمەن بايلانىستى اتموسفەرالىق اعىنداردىڭ ىقپالىندا بولادى. سوندىقتان كوپتەگەن وبلىستاردا قار، بۇرقاسىن بولىپ، باتىستان كۇشتى جەل سوعادى. سولتۇستىك وبلىستاردا جەلدىڭ كۇشى 30 م/س جەتۋى مۇمكىن، تۇمان مەن كوكتايعاق تا كۇتىلەدى. اۋا تەمپەراتۋراسى ورتاشا كوپجىلدىق نورمادان 5...8 س- قا، سولتۇستىك وبلىستاردا 8…13 س - قا جوعارى بولادى»، - دەلىنگەن «قازگيدرومەت» رمك رەسمي حابارلاماسىندا.

نۇر- سۇلتان قالاسىندا 24 - قاڭتاردا اۋا تەمپەراتۋراسى - 1-3 س ارالىعىندا بولادى. اسپاندا بۇلت باسىپ، قار جاۋادى جانە وڭتۇستىك- باتىستان سوققان جەل جىلدامدىعى كۇندىز 9-14،تۇندە - 15-20 م/س جەتەدى.

25 - قاڭتاردا كوشپەلى بۇلت شىعىپ، كەيدە قار جاۋادى جانە بۇرقاسىن سوعادى. وڭتۇستىك- باتىستان جانە باتىستان سوققان جەلدىڭ جىلدامدىعى كۇندىز 9-14، تۇندە 15-20 م/س جەتەدى. تۇندە جانە كۇندىز اۋا تەمپەراتۋراسى - 5-7 - س بولادى.

26 - قاڭتاردا دا ەلوردادا كوشپەلى بۇلت، قار جانە بۇرقاسىن بولۋى ىقتيمال. وڭتۇستىك- باتىستان جانە باتىستان سوققان جەلدىڭ جىلدامدىعى 15-20 م/س، ەكپىنى 23 م/س- قا جەتەدى دەپ بولجانعان. كۇندىز اۋا تەمپەراتۋراسى -5-7 ، تۇندە - -13-15 س بولادى.

«سيكلوندىق بەلسەندىلىك ىقپالىنان قالىڭ قار، قاتتى جەل مەن بۇرقاسىن ساقتالادى. تەك ايدىڭ سوڭىندا، 28-31 - قاڭتاردا بۇلت تاراپ، جاۋىن- شاشىن توقتايدى جانە اۋا تەمپەراتۋراسى تۇندە 15 ... 22 س، كۇندىز 7 ... 15 - س ايازعا دەيىن تومەندەيدى»، - دەپ حابارلادى قازگيدرومەت.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات