+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

پاۆلودار وبلىسىندا ابايدىڭ ەت تاباعى مەن سىبىزعىسى كورمەگە قويىلدى

23 قاڭتار 19:05
:ءبولىسۋ
پاۆلودار وبلىسىندا ابايدىڭ ەت تاباعى مەن سىبىزعىسى كورمەگە قويىلدى

نۇر-سۇلتان. قازاقپارات - پاۆلودار وبلىسى ۇلى ابايدىڭ 175 جىلدىعىنا ارنالعان شارالاردىڭ شىمىلدىعىن اشتى. ەرتىس وڭىرىنە ابايدىڭ «جيدەباي- ءبورىلى» مەملەكەتتىك قورىق- مۋزەيىنىڭ كورمەسى كەلدى.

ول وبلىس ورتالىعىندا جاڭادان اشىلعان مۋلتيمەديالىق مۇراجايدا ءوتىپ جاتىر. پاۆلودار مەن سەمەي مۋزەيلەرى اراسىنداعى ارىپتەستىك اياسىندا قولعا الىنعان جوبانىڭ تۇساۋ كەسەرىنە زيالى قاۋىم وكىلدەرى، اباي تانۋشىلار، ستۋدەنتتەر مەن مەكتەپ وقۋشىلارى قاتىستى. كورمەگە اكەلىنگەن جادىگەرلەردىڭ اراسىندا اقىن الاقانىنىڭ تابى قالعان ەت تاباعى، سىبىزعى سياقتى جەكە بۇيىمدارى دا بار.

جالپى اباي مۋزەيىنىڭ قورىندا مىڭنان اسا كارتينا بار ەكەن. ەڭ تاڭداۋلى دەگەن «جاس اباي» كارتيناسى العاش رەت جىلجىمالى كورمە جادىگەرلەرىنىڭ قاتارىنا ەنىپ وتىر. «اباي مۇراسى» كورمەسى اقپان ايىنىڭ ورتاسىنا دەيىن جالعاسادى.

قۋات قيىقباي، ابايدىڭ «جيدەباي- ءبورىلى» مەملەكەتتىك قورىق- مۋزەيىنىڭ اعا قىزمەتكەرى:

- ءدال وسى ۇلى ابايدىڭ مۇراسى تاقىرىبىنداعى كورمەدە ابايدىڭ جيدەباي- ءبورىلى مەملەكەتتىك قورىق مۋزەيىنىڭ اسىل قورىنان 100-گە تارتا جادىگەر كەلىپ وتىر. اباي وقىعان احمەتريزا مەشىت- مەدرەسىندەگى كىتاپتار. پارسى، اراب، تۇرىك تىلىندەگى، شاعاتاي، تاتار تىلىندەگى كىتاپتارى بار.

سونىمەن بىرگە اباي داۋىرىنەن، اباي لەبىنەن، اباي ۇنىنەن بىزگە اباي الەمىنە ساپار شەكتىرەتىن، ۇلكەن حابار بەرەتىن دۇنيەلەردىڭ ءبىرى. قازاقتىڭ سالتىنا سىڭگەن ساناسىنا سىڭگەن سالتىن دارىپتەيتىن ءداستۇرىن ايتاتىن، سول تۋرالى ماعلۇمات بەرەتىن ۇلكەن جادىگەرلەر كەلىپ وتىر.

الماس حاسەنوۆ، قالا تۇرعىنى:

- ول كىسىنىڭ ءوزىن كورمەسەك تە، ءسوزى جەتتى. زاتتارىن ۇستاعان كەزدە، سول زاماننىڭ، سول ءداۋىردىڭ ءيىسىن سەزگەندەي بولاسىز.

www.24.kz


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات