17:50, 23 - قاڭتار 2020 | GMT +6
ەلورداداعى بايقوڭىر اۋدانىنىڭ اكىمى پارا الدى دەگەن كۇدىككە ءىلىندى
نۇر- سۇلتان. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگى بايقوڭىر اۋدانىنىڭ اكىمى اسقار ەسىلوۆتىڭ پارا الدى دەگەن كۇدىككە ىلىنگەنىن راستادى، دەپ حابارلايدى قازاقپارات ءتىلشىسى.
ايتا كەتسەك، بۇعان دەيىن الەۋمەتتىك جەلىلەردە ەلورداداعى اۋدان اكىمدەرىنىڭ ءبىرىنىڭ ۇستالعانى تۋرالى اقپارات تاراعان ەدى.
«ءيا، راس. سىبايلاس جەمقورلىققا قارسى قىزمەت بايقوڭىر اۋدانى اكىمىنىڭ پارا الۋ فاكتىسىنە قاتىستى ۇستالعانىن راستايدى. ول جەكە كومپانيا وكىلىنەن iPhone ۇيالى تەلەفونىنىڭ سوڭعى نۇسقاسىن پارا رەتىندە الدى دەگەن كۇدىككە ءىلىندى»، - دەدى ق ر سىبايلاس جەمقورلىققا قارسى ءىس- قيمىل اگەنتتىگى تەرگەۋ كوميتەتىنىڭ باس تەرگەۋشىسى دانيار بەكايداروۆ تىلشىلەردىڭ سۇراعىنا جاۋاپ بەرە وتىرىپ.
ونىڭ ايتۋىنشا، قازىر تەرگەۋ امالدارى جۇرگىزىلىپ جاتىر.
ايتا كەتسەك، اسقار ەسىلوۆ 2019 -جىلدىڭ ساۋىرىندە ەلورداداعى بايقوڭىر اۋدانىنىڭ اكىمى بولىپ تاعايىندالعان ەدى.
اۆتور: ايان بەكەن ۇلى