+7 (701) 759 90 19
-8 °С : نۇر-سۇلتان
1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

استاناداعى بوران: ماماندار بىرنەشە ماڭىزدى كەڭەس بەردى

23 قاڭتار 16:29
:ءبولىسۋ
استاناداعى بوران: ماماندار بىرنەشە ماڭىزدى كەڭەس بەردى

نۇر- سۇلتان. قازاقپارات - نۇر- سۇلتان قالاسىنىڭ توتەنشە جاعدايلار دەپارتامەنتى قالا تۇرعىندارى مەن قوناقتارىنا قالا سىرتىنا شىعۋدان باس تارتىپ، اسا ساق بولۋدى، اۋا رايىنىڭ وزگەرۋى مەن ەنگىزىلگەن شەكتەۋلەر تۋرالى اقپاراتتى قاداعالاۋدى ۇسىنادى،

دەپ حابارلايدى قازاقپارات ءتىلشىسى قالا اكىمدىگىنىڭ باسپا ءسوز قىزمەتىنە سىلتەمە جاساپ.

اكىمدىكتىڭ حابارلاۋىنشا، اۋا رايىنىڭ كۇرت وزگەرۋىنە بايلانىستى بۇگىنگى كۇنى نۇر- سۇلتان- قورعالجىن باعىتىنان باسقا بارلىق تاسجولدار جابىلعان. سونداي- اق قالالىق ءبىلىم باسقارماسىنىڭ شەشىمىنە ساي 0-11-سىنىپ وقۋشىلارى مەن ەكىنشى اۋىسىمداعى 1-2-كۋرس كوللەدج ستۋدەنتتەرىنە ساباق توقتاتىلعان.

« ت ج د مالىمەتى بويىنشا «112» شۇعىل تەلەفون قىزمەتىنە تۇنگى 00.00-دەن باستاپ 1639 قوڭىراۋ كەلىپ تۇسكەن، ونىڭ 85 پايىزى تاسجولدىڭ اشىلۋى مەن ساباقتى توقتاتۋ ماسەلەلەرى بويىنشا حابارلاسقان. وتكەن تاۋلىك ىشىندە ەلوردالىق قۇتقارۋشىلار قار قۇرساۋىندا قالعان 19 ادامدى قۇتقاردى. ال جىل باسىنان بەرى قار قۇرساۋىنان 62 ادام قۇتقارىلىپ، 5 ادام ەۆاكۋاتسيالانعانىن ايتا كەتكەن ءجون. وسى رەتتە توتەنشە جاعدايلار دەپارتامەنتى قالا تۇرعىندارى مەن قوناقتارىنا قالا سىرتىنا شىعۋدان باس تارتىپ، اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى قاداعالاۋدى ۇسىنادى»، - دەپ حابارلايدى اكىمدىكتەن.

ماماندار قالا تۇرعىندارىنا كوشەدە باعانداردان، اعاشتاردان، جارنامالاردان، ە ج ج جانە سىمداردان الىس ءجۇرۋدى، اۆتوكولىكتى اعاشتار مەن ەسكى قۇرىلىستاردان الشاق قويۋدى، قۇرىلىس الاڭدارىندا مۇمكىندىگىنشە قۇرىلىس- مونتاج جۇمىستارىن شەكتەۋدى ۇسىنادى. سونداي- اق، ءورت قىزمەتى، پوليتسيا، توتەنشە جاعدايلار دەپارتامەنتى، جەدەل مەديتسينالىق كومەك، كوممۋنالدىق قىزمەتتەر سياقتى قالانىڭ تىنىس- تىرشىلىگىن قامتاماسىز ەتۋ ۇيىمدارىن قوسپاعاندا، اۋا رايىنىڭ كۇرت ناشارلاۋىنا بايلانىستى جانە قايعىلى جاعدايلاردى بولدىرماۋ ءۇشىن مەملەكەتتىك ورگاندارعا، ءبىلىم بەرۋ مەكەمەلەرىنە، كاسىپكەرلىك وبەكتىلەرىنە (بازارلار، س و و)، قۇرىلىسقا جۇمىس كۇنىن قىسقارتۋ ۇسىنىلادى.

قازگيدرومەت مالىمەتىنە سايكەس بۇگىن نۇر- سۇلتاندا قار جاۋىپ، بوران سوعادى، كوكتايعاق بولادى. وڭتۇستىك- باتىستان سوققان جەلدىڭ ەكپىنى 23 م/س دەيىن جەتەدى.

ايتا كەتسەك، ەلوردادا قىس باستالعالى قاتتى قار جاۋعان. 2019 -جىلدىڭ قاراشا ايىندا تۇسكەن قار مولشەرى 47 م م، جەلتوقساندا 39 م م قۇراسا، 23 - قاڭتارداعى جاعداي بويىنشا 16 م م، ايلىق نورمادا 37 م م قار جاۋعان. وسىلايشا، كورسەتىلگەن كەزەڭدە تۇسكەن قار مولشەرى ايلىق نورمادان 2 ەسە اسىپ ءتۇستى.

اۆتور: ايان بەكەن ۇلى



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات