بىرنەشە پوليسيا قىزمەتكەرى ۇستالدى
اتاپ ايتقاندا، باتىس قازاقستان وبلىستىق پوليسيا دەپارتامەنتى پاترۋلدىك پوليتسياسىنىڭ ءبىرقاتار قىزمەتكەرى، ونىڭ ىشىندە ۆزۆودى كومانديرى مەن پوليسيا كاپيتانى ۇستالدى. ولار جول ەرەجەسىن بۇزعان ازاماتتاردى اكىمشىلىك جاۋاپكەرشىلىككە تارتپاۋ ءۇشىن جۇيەلى تۇردە پارا الۋ كۇدىگىنە ىلىگىپ وتىر.
«ۆزۆود كومانديرى ۇستالىپ، ورال قالاسىنىڭ ۋاقىتشا ۇستاۋ اباقتىسىنا قامالدى» ، - دەپ اتاپ وتەدى سىبايلاس جەمقورلىققا قارسى قىزمەتتەن.
مۇنان بولەك، شىمكەنت قالاسىندا جول ەرەجەسىن بۇزعان ازاماتتاردى اكىمشىلىك جاۋاپكەرشىلىككە تارتپاۋ ءۇشىن 130 مىڭ تەڭگە كولەمىندە پارا العان قالالىق پاترۋلدىك پوليسيا قىزمەتىنىڭ پوليتسيا لەيتەنانتى كۇدىككە ءىلىندى.
ال الماتى وبلىسىندا تالدىقورعان قالالىق پوليسيا باسقارماسىنىڭ اعا تەرگەۋشىسى، پوليتسيا كاپيتانىنىڭ قىلمىستىق ءىستى توقتاتۋ تۋرالى شەشىمدى قابىلداعانى ءۇشىن ازاماتتان 50 مىڭ تەڭگە پارا الۋىنا قاتىسى تەكسەرىلىپ جاتىر.
ماڭعىستاۋ وبلىسىندا پروباتسيالىق باقىلاۋداعى تۇلعادان جالپى قامقورلىق پەن قوعامدىق جۇمىسقا تارتپاۋى ءۇشىن 60 مىڭ تەڭگە پارا الۋ كۇدىگىنە ىلىنگەن قىلمىستىق اتقارۋ جۇيەسى كوميتەتىنىڭ وبلىستىق دەپارتامەنتى مۇنايلى اۋداندىق پروباتسيا قىزمەتىنىڭ ءبولىم باسشىسىنا قاتىستى تەرگەۋ جۇرگىزىلۋدە.