نۇر- سۇلتاندا اۋا رايىنىڭ قولايسىزدىعىنان وتكەن تۇندە جۇزگە تارتا جول- كولىك وقيعاسى تىركەلدى

نۇر- سۇلتان. قازاقپارات - قار جاۋىپ، بوران سوققان ەلوردادا ءبىر تۇندە عانا جۇزگە تارتا جول- كولىك وقيعاسى تىركەلىپ وتىر، دەپ حابارلايدى قازاقپارات ءتىلشىسى.

«بۇگىن تاڭەرتەڭگى ساعات 09.00 دە قاراعاندى تاس جولى بويىنداعى «كەڭمارت» گيپەرماركەتى مەن جانارماي قۇيۋ بەكەتى اراسىندا جولدا 1972 -جىلى تۋعان جۇرگىزۋشى كولىك تىزگىنىنە يە بولا الماي، №80 اۆتوبۋستى ارىققا قۇلاتىپ العان. اۆتوبۋستا 9 جولاۋشى بولعان. جاراقات العاندار جوق. پاترۋلدىك پوليسيانىڭ ءۇش ەكيپاجىنىڭ كومەگىمەن بارلىق جولاۋشىلار «ۆسترەچا» دۇكەنىنىڭ جانىنداعى جىلى ايالداماعا جەتكىزىلدى» ، - دەپ حابارلايدى اكىمدىكتەن.

ارادا بىرنەشە مينۋت وتكەندە ءدال سول جولدا جەدەل جاردەم كولىگى №80 اۆتوبۋسپەن سوقتىعىسىپ قالمايىن دەپ، شۇعىل توقتاعان. وسىنىڭ سالدارىنان №29 باعىتتاعى اۆتوبۋس جەدەل جاردەم كولىگىنىڭ ارتىنان سوققان. جاراقات العاندار جوق. وقيعا ورنىندا پوليسيا قىزمەتكەرلەرى جۇمىس ىستەپ جاتىر.

«قۇرمەتتى جۇرگىزۋشىلەر! نۇر- سۇلتان قالاسىنىڭ پوليتسيا دەپارتامەنتى اۋا- رايىنىڭ ناشارلاۋىنا بايلانىستى جولدىڭ جەكەلەگەن ۋچاسكەلەرى كولىك قۇرالدارى ءۇشىن جابىلاتىندىعىن ەسكەرتەدى. دەپارتامەنتتىڭ جەكە قۇرامى تولىعىمەن حالىققا كومەك كورسەتۋ ءۇشىن جۇمىس ىستەۋدە. ءبىز ەلوردا تۇرعىندارىنان تۇسىنىستىك تانىتۋدى سۇرايمىز: پاترۋلدىك پوليسيانىڭ تالاپتارىن ساقتاپ، جەكە كولىك قۇرالدارىن جول بويىندا قالدىرماڭىز جانە تازالاۋ قۇرالدارىنا كەدەرگى كەلتىرمەڭىز. 23 - قاڭتارعا قاراعان ءتۇنى جۇزگە جۋىق جول- كولىك وقيعاسى تىركەلدى. زارداپ شەككەندەر جوق» ، - دەپ حابارلايدى قالا اكىمدىگىنىڭ باسپا ءسوز قىزمەتىنەن.