+7 (701) 759 90 19
-8 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

موڭعوليا وزدەرىنىڭ «موزو» اتتى العاشقى اۆتوكولىگىن كوپشىلىككە تانىستىرادى

23 قاڭتار 13:28
:ءبولىسۋ
موڭعوليا وزدەرىنىڭ «موزو» اتتى العاشقى اۆتوكولىگىن كوپشىلىككە تانىستىرادى

بايان- ولگەي. قازاقپارات - موڭعوليالىقتار اۆتوموبيل ءوندىرۋ نارىعىن ءوز قولدارىنا الۋدى كوزدەپ وتىر. اتاپ ايتساق، «بارس موتورس» كومپانياسى ءوز ينۆەستيتسيالارىمەن ق ح ر- ىڭ حاڭجوۋ قالاسىندا اۆتوكولىك قۇراستىراتىن بىرىككەن زاۋىت اشىپ، العاشقى ونىمدەرىن شىعارا باستادى، دەپ حابارلايدى قازاقپارات.

اۆتوموبيل «مونگولىن زون ولون» /موزو/ نەمەسە «موڭعول جۇرتشىلىعى» دەگەن اتپەن كەشىكپەي موڭعول حالقىنىڭ تۇرمىستىق قاجەتتىلىگىنە ۇسىنىلاتىن بولادى.


سوڭعى اقپاراتتارعا قاراعاندا، كولىكتەر موڭعولياعا جەتكىزىلگەن، 2 - اقپاندا كورمە رەتىندە كوپشىلىككە كورسەتىلەدى دەپ كۇتىلۋدە. كومپانيا تاراپىنان، سول كۇنى اشىق ەسىك جاريالاپ، الدىن- الا تاپسىرىس الۋدى جوسپارلاپ وتىر.

قازىرگى تاڭدا موزو- دىڭ موڭعوليانىڭ قاتال كليماتى مەن موڭعول جۇرتشىلىعىنىڭ قولدانىسىنا سايكەس كەلۋى، ساپاسى مەن سىرتقى بەينەسىنىڭ تارتىمدىلىعى، جانارماي شىعىنى مەن بولشەكتەردىڭ ساپاسىنا سىناق جۇرگىزىلۋدە.

ەگەر سىناق ءساتتى بولسا، اۆتوموبيل ساتىلىمعا شىعادى. العاشقى اۆتوموبيل ورتاشا ولشەمدى، جول تالعامايدى، باعاسى موڭعولداردىڭ ءومىر ءسۇرۋ جاعدايلارى مەن قارجىلىق مۇمكىندىكتەرىنە بايلانىستى قول جەتىمدى بولادى، دەپ حابارلايدى بارس موتورس كومپانياسىنىڭ وكىلدەرى.

موڭعول حالقى اۆتوكولىك ساتىپ الۋعا جىلىنا 500-800 ميلليون دوللار جۇمسايدى دەگەن بولجام بار. اقشا، ادەتتەگىدەي جاپونيا، كورەيا جانە ا ق ش- قا اسىپ كەتىپ جاتىر. سوندىقتان، اۆتوكولىك ساتىپ الۋعا جۇمسالاتىن قاراجات اعىمىن ساقتاۋ، كۇن تارتىبىندەگى ماڭىزدى ماسەلە بولىپ وتىر.

«بارس موتورس» ج ش س ءوزىنىڭ بىرلەسكەن كاسىپورنىنا جىلىنا 25000 اۆتوموبيل شىعاراتىن مۇمكىندىككە يە. كەلەسى جىلى % 100 ەلەكترمەن جۇمىس ىستەيتىن اۆتوموبيلدەر شىعارماق. سونىمەن قاتار، «بارس موتورس» موڭعوليادا اۆتوموبيل شىعاراتىن زاۋىت اشۋ ءۇشىن زەرتتەۋ جۇمىستارىن جۇرگىزۋدە.

كومپانيا ديرەكتورى د. دەمبەرەل «زاۋىت قۇرۋ ءۇشىن وتە جاقسى مەحانيك- ينجەنەرلەر نەمەسە بىلىكتى كادرلەر، زاماناۋي قۇرالدار، اۆتكولىك بولشەكتەرى مەن تەحنولوگيا باستى ماڭىزعا يە بولادى. ق ح ر- دا الەمدىگى بارلىق تەحنولوگيالار شوعىرلانعان. سوندىقتان ءبىز، بۇل جەردە يننوۆاتسياعا قول جەتكىزۋمىز كەرەك. وسىلاي جاساۋ ارقىلى كەم دەگەندە 200 ميلليون دوللاردى ەلىمىزدە قالتىرا الامىز» دەگەن تۇسىنىكتەمە بەردى.

قۋات ۋاتحان



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات