+7 (701) 759 90 19
-3 °С : نۇر-سۇلتان
0 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

تابىسقا جەتەلەيتىن ۇستانىمدار

23 قاڭتار 14:50
:ءبولىسۋ
تابىسقا جەتەلەيتىن ۇستانىمدار

نۇر-سۇلتان. قازاقپارات - ستيۆەن كينگ - ءتىل شەبەرى، تابىستى جازۋشى. ول ءوزىنىڭ تاجىريبەسى مەن قاتەلىكتەرىنە سۇيەنىپ، جاستارعا ءبىراز پايدالى كەڭەس بەرەدى.

ۋاقىتتى بوسقا جۇمساما

كوپتەگەن ادام ءوزىنىڭ التىن ۋاقىتىن بوسقا جۇمسايدى. بۇرىن تەلەديدار كورۋمەن ءومىر وتكىزەتىن بولساق، قازىر ونىڭ ورنىن ەلەكتروندى قۇرالدار باستى. مۇنىڭ ءبارىن ءوشىرىپ، پايدالى ىسپەن اينالىسۋدى باستاڭىز.

قايسار بول

ءبىر رەت قاتەلەسكەن سوڭ ارتقا قايتۋشى بولما. باستاپقىدا جازعان تۋىندىلارىمدى باسپالار كىتاپ ەتىپ شىعارۋدان باس تارتاتىن. ءبىراز ۋاقىتتان كەيىن باسپاگەرلەر كىتاپتارىمدى قابىلداي باستادى. ەل تاني باستاعاندا وسىعان دەيىن قابىلدانباعان ەڭبەكتەرىمدى قايتا جىبەرىپ كوردىم. بۇل جولى ولار باسىلدى.

جۇرتتىڭ سىنىن جۇرەككە جاقىن قابىلداما

وزگەنى مىنەپ، سىنايتىن ادام ءارقاشان تابىلادى. قانداي ءىس باستاساڭ دا، قاتە جولدا كەلە جاتقانىڭا سەندىرەتىن ادامدار بولادى. ولارعا ءمان بەرمە. ءوزىڭنىڭ دۇرىس دەپ تانىعان باعىتىڭدا جۇرە بەر.

دامۋدى توقتاتپا

ەگەر جازۋشى بولساڭ، سوزدىك قورىڭدى كوبەيت، گرامماتيكانى باس- اياعىنا دەيىن جاتتا. سپورتپەن شۇعىلدانساڭ، بەلگىلى ءبىر باعدارلاما بويىنشا ۇنەمى جاتتىعىپ تۇر. قانداي سالادا جۇمىس ىستەسەڭ دە، دامۋدى توقتاتپا.

وزىڭە ۇنايتىن ىسپەن اينالىس

ەگەر ادام ءوز جۇمىسىن ۇناتپاسا، باقىتسىز بولادى. ال سۇيىكتى ءىس ادامدى تەك تابىسقا جەتەلەيدى.

كۇن ءتارتىبىن ۇستان

كۇندەلىكتى اتقارۋ كەرەك جۇمىس كولەمىن تولىق ورىنداپ، ۇلگەرۋگە تىرىس. دەمالىس كۇندەرىنەن باسقا كۇنى تاپجىلماي ەڭبەك ەتۋگە ۇمتىل.

كىم ءۇشىن جۇمىس ىستەپ جۇرگەنىڭدى ۇمىتپا

ەگەر جازۋشى بولساڭ، كىم ءۇشىن جازىپ جۇرگەنىڭدى ەسىڭە ءتۇسىر. وعان بۇل ەڭبەك ۇناي ما؟ جاڭا ەلەمەنتتەردى دۇرىس باعالاي الا ما؟ ءوز وقىرماندارىڭدى قىزىقتىرا الاسىڭ با؟ وسى سۇراقتاردى ۇنەمى جادىڭدا ۇستا.

اقشا ءۇشىن جۇمىس ىستەمە

ءيا، مەن پروزامنىڭ ارقاسىندا ءبىراز اقشا تاپتىم. ءبىراق ەشقاشان اقشا ءۇشىن جازبايتىنمىن. جوعارىدا ايتقان «وزىڭە ۇنايتىن ىسپەن اينالىس» دەگەن كەڭەستى ۇمىتپا. ءوز ءىسىڭ قالاساڭ سەنى باقىتتى دا، اقىلدى دا، باي دا ەتەدى. ال اقشا قۋۋ ادامنىڭ كەرى دامۋىنا اسەر ەتۋى مۇمكىن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات