+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

تۇركىستان حالىقارالىق اۋەجايى قولدانىسقا قاشان بەرىلەدى

23 قاڭتار 12:30
:ءبولىسۋ
تۇركىستان حالىقارالىق اۋەجايى قولدانىسقا قاشان بەرىلەدى

تۇركىستان. قازاقپارات - تۇركىستان قالاسىنان 16 شاقىرىم قاشىقتىقتا شاعا ەلدى مەكەنىنەن تۇركيالىق «YDA Group» كومپانياسى حالىقارالىق اۋەجايدىڭ قۇرىلىسىن جۇرگىزۋدە.

قازىرگى تاڭدا تۇركىستان حالىقارالىق اۋەجايىنىڭ قۇرىلىس الاڭىندا ينۆەستوردىڭ 302 قۇرىلىسشىسى مەن 102 ارنايى تەحنيكاسى جۇمىلدىرىلعان. بۇگىنگى كۇنى اۋەجاي تەرمينالىنىڭ ىرگەتاسى اياقتالىپ، ۇشىپ- قونۋ جولاعىنا قاجەتتى قۇمدى- شاعال تاستى قوسپانىڭ ءبىرىنشى قاباتى توسەلۋدە. سونداي- اق، رۋلدەۋ جولى مەن پەرروننىڭ جۇمىستارى اياقتالىپ وتىر، دەپ حابارلايدى قازاقپارات.

وبلىس اكىمدىگىنەن ءمالىم ەتكەندەي، اۋەجاي جالپى 900 گەكتار اۋماقتى قامتيتىن بولادى. وندا تەرمينال، ۇشىپ- قونۋ جولاعىن جانە باسقا دا نىسانداردى سالۋ جوسپارلانعان. حالىقارالىق اۋەجاي 2020 -جىلدىڭ سوڭىنا قاراي پايدالانۋعا بەرىلەدى دەپ كۇتىلۋدە. «YDA Group» كومپانياسىنىڭ باسقارما ءتوراعاسى ارسلان حۋسەيننىڭ ايتۋىنشا، تۇركىستان حالىقارالىق اۋەجايى الەمدىك ستاندارتقا ساي جانە زاماناۋي قۇرىلىس تەحنولوگياسىمەن سالىنۋدا. تەرمينال جىلىنا 3 ميلليونعا جۋىق جولاۋشىعا قىزمەت كورسەتە الادى.

«ايتا كەتەرلىگى، تۇركىستان قالاسىندا جاڭادان سالىنىپ جاتقان حالىقارالىق اۋەجايعا باراتىن اۆتوموبيل جولىنىڭ جالپى ۇزىندىعى - 16,3 شاقىرىم. اۋەجاي جولىن تولىعىمەن 2020 -جىلدىڭ قىركۇيەك ايىندا اياقتاۋ كوزدەلۋدە» ، - دەدى اكىمدىكتەن.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات