داريعا نازاربايەۆا: دەپۋتاتتىق ساۋالدىڭ ورىندالۋىن قاداعالاۋ كەرەك

None
None
نۇر- سۇلتان. قازاقپارات - سەناتورلار ماسەلەلەردى ۇكىمەتكە دەپۋتاتتىق ساۋال رەتىندە جەتكىزىپ قانا قويماي، ورىندالۋىن قاداعالاۋ كەرەك.

بۇل تۋرالى پارلامەنتى سەناتىنىڭ ءتوراعاسى داريعا نازاربايەۆا ءمالىم ەتتى، دەپ حابارلايدى قازاقپارات ءتىلشىسى.

«بۇگىن 2020 -جىلعى سەناتتىڭ العاشقى جالپى وتىرىسىن باستايمىز. جىل باسىندا دەپۋتاتتار وڭىرلەردە ساپارلاردا بولىپ، ولاردىڭ جاعدايىن، زاڭدار مەن مەملەكەتتىك باعدارلامالاردىڭ جۇزەگە اسۋى دەڭگەيىن كورىپ، جەرگىلىكتى وكىلدى ورگانداردىڭ جۇمىستارىمەن تانىستى. ەلىمىزدىڭ تۇپكىر- تۇپكىرىندە قازاقستاندىقتاردى الاڭداتىپ وتىرعان جەرگىلىكتى جەرلەردەگى شەشىمى تابىلماعان ماسەلەلەردى كوزبە- كوز كورىپ، شەشىمىن تابۋدى قاجەت ەتەتىن سۇراقتاردى تىڭداپ قايتتى. ەندى ولاردى شەشۋ جولدارىن قاراستىرۋ قاجەت» ، - دەپ توقتالدى د. نازاربايەۆا.


ونىڭ سوزىنە قاراعاندا، بۇل ماسەلەلەردىڭ كوپشىلىگى دەپۋتاتتىق ساۋالدار مەن سۇراقتارعا نەگىز بولادى. پارلامەنتتىك تىڭداۋلاردا، ۇكىمەت ساعاتتارىندا جانە ءتۇرلى كەزدەسۋلەردە كوتەرىلىپ، ۇسىنىمدارعا ەنگىزىلىپ، كوميتەتتەردىڭ جۇمىس جوسپارلارىندا ەسكەرىلەدى.


«ۇكىمەتكە دەپۋتاتتىق ساۋال رەتىندە جەتكىزىپ قانا قويماي، ورىندالۋىن قاداعالاۋ كەرەك. بۇل ءۇشىن دەپۋتاتقا بەرىلگەن مۇمكىندىكتەردى تولىعىمەن پايدالانىڭىزدار» ، - دەدى سەنات ءتوراعاسى.


سوڭعى جاڭالىقتار