ەلوردادا ەكىنشى اۋىسىمداعى وقۋشىلار مەن كوللەدج ستۋدەنتتەرى وقىمايدى

نۇر- سۇلتان. قازاقپارات - ەلوردادا ەكىنشى اۋىسىمداعى مەكتەپ وقۋشىلارى مەن كوللەدج ستۋدەنتتەرىنە ساباق بولمايدى، دەپ حابارلايدى قازاقپارات.

«23 - قاڭتار كۇنى اۋا رايىنىڭ بۇزىلۋىنا بايلانىستى قالا مەكتەپتەرىندە ەكىنشى اۋىسىمداعى 0-11 (12) سىنىپ وقۋشىلارى جانە كوللەدجدەردىڭ 1-2 - كۋرس ستۋدەنتتەرى وقىمايدى» ، - دەلىنگەن نۇر- سۇلتان قالالىق ءبىلىم باسقارماسىنىڭ اقپاراتىندا.

ايتا كەتەيىك، ەلوردادا ءبىرىنشى اۋىسىمداعى 1-11 - سىنىپتار مەن كوللەدجدەردىڭ 1-2 - كۋرس ستۋدەنتتەرى ءۇشىن وقۋ پروتسەسى توقتاتىلعان بولاتىن. سونداي- اق، قالاعا ىرگەلەس اقمولا وبلىسىندا باستاۋىش سىنىپ وقۋشىلارى مەكتەپكە بارمادى.

كەشە ەلوردادا ەكىنشى اۋىسىمداعى وقۋشىلار وقىعان جوق.

سينوپتيكتەر 22-24 - قاڭتار كۇندەرى باس قالادا اۋا رايى بۇزىلاتىنى جونىندە ەسكەرتكەن بولاتىن.