+7 (701) 759 90 19
-8 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

ەۋروپا قىتايدا تاراعان كوروناۆيرۋستان قاۋىپتەنىپ وتىر

23 قاڭتار 09:29
:ءبولىسۋ
ەۋروپا قىتايدا تاراعان كوروناۆيرۋستان قاۋىپتەنىپ وتىر

نۇر- سۇلتان. قازاقپارات - ەۋروپالىق اۋرلاردىڭ الدىن الۋ جانە باقىلاۋ ورتالىعى قىتايدا تاراعان كوروناۆيرۋستىڭ ەۋروپاعا تاراۋ تاۋەكەلىن «تومەننەن» «ورتاشا» دەڭگەيگە كوتەردى.

اتالعان ورتالىق مۇنداي قادامعا قىتايلىق ساراپشىلاردىڭ كوروناۆيرۋستىڭ ادامنان ادامعا جۇعاتىندىعىن راستاعاننان كەيىن بارىپ وتىر، دەپ حابارلادى «قازاقپارات» ح ا ا- ءنىڭ بريۋسسەلدەگى مەنشىكتى ءتىلشىسى.

«ينفەكسيانىڭ تارالۋ كوزى بەلگىسىز جانە ول ءالى دە بولسا بەلسەندى بولۋى ىقتيمال. وسىعان بايلانىستى ۋحانعا ساپارلاپ، ۆيرۋس جۇقتىرعاندارمەن تىعىز بايلانىستى بولعان ادامداردىڭ ونى جۇقتىرۋ ىقيمالدىعى ورتاشا دەپ ەسەپتەلىنەدى» ، - دەلىنگەن ۇيىمنىڭ بۇگىن تاراتقان اقپاراتىندا.

ەۋروپاعا ساياحاتتاۋشىلاردىڭ ۆيرۋستى يمپورتتاۋ ىقتيمالدىعى قىتايعا ساپارلاردىڭ جيىلۋىمەن جانە قىتاي جاڭا جىلىنىڭ تويلانۋىمەن بايلانىستى بولىپ وتىر.

ايتا كەتەرلىگى، ەۋروپالىق وداقتىڭ ءۇش اۋەجايىنا قىتايدىڭ ۋحان قالاسىنان تىكەلەي اۋە رەيستەرى كەلەدى. FlightConnections.com رەسۋرسىنىڭ مالىمەتىنە سايكەس، ولار: لوندوننىڭ «حيتروۋ» ، پاريجدىڭ «شارل دە گولل» جانە ءريمنىڭ «فيۋميچينو» اۋەجايلارى.

وسى مالىمدەمە تارالعاننان كەيىن- ا ق ۇلىبريتانيا بيلىگى ۋحاننان لوندونعا كەلەتىن بارلىق تىكەلەي رەيستەرگە مونيتورينگ جاساۋ شارالارىن كۇشەيتتى. قىتاي قالاسىنان كەلگەن ۇشاقتار حيتروۋ ۇشاعىنداعى وقشاۋلانعان اۋداندا قابىلدانادى. بۇعان قوسا، اۋە كەمەسىنىڭ كومانديرلەرىنە جولاۋشىلاردىڭ ىشىنەن ناۋقاستانۋ بەلگىلەرى انىقتالعاننان جاعدايدا ۇشاق قونۋعا 1 ساعاتتان استام ۋاقىت بۇرىن حابارلاۋعا كەڭەس بەرىلدى.

ايتا كەتەيىك، 15 - قاڭتاردا كوروناۆيرۋستى جۇقتىرعاندار سانى 41 ادام بولاتىن، كوز جۇمعاندار - ەكى ادام.

ال 19 - قاڭتاردا اۋرۋعا شالدىققاندار 200 گە جۋىقتادى، ءۇش ادام قايتىس بولدى.

20 - قاڭتاردا 300 گە جۋىق ادام ەسەپكە الىندى.

«وسى جىلدىڭ 20 - قاڭتارى ساعات 24:00 دەگى جاعداي بويىنشا، كوروناۆيرۋستىڭ جاڭا ۇلگىسىنە شالدىققاندار سانى 291 گە جەتتى (270 ۋحاندا، بەسەۋى - بەيجىڭدە، 14 گۋاڭدۋڭ پروۆينتسياسىندا (وڭتۇستىك قىتاي) ، ەكەۋى - شاڭحايدا. قىتايدىڭ 14 پروۆينتسياسىندا اۋرۋ جۇقتىرۋى مۇمكىن 54 ادام بار» ، - دەلىنگەن بولاتىن قحر ۇلتتىق دەنساۋلىق ساقتاۋ ءىسى جونىندەگى كوميسسياسىنىڭ مالىمەتىندە.

پنيەۆمونيانىڭ ورشۋىنە بايلانىستى قازاقستاننىڭ اتالمىش ەلمەن شەكارالارىندا، اۋەجايلاردا باقىلاۋ كۇشەيتىلدى.

اۆتورى تيمۋر دۇيسەكەيەۆ


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات