قىتايدىڭ ۋحان قالاسىنىڭ تۇرعىندارىنا كوشەگە شىعۋعا تىيىم سالىندى

بەيجىڭ. قازاقپارات - قىتايدا جاڭا كوروناۆيرۋستىڭ ەپيتسەنترى بولعان ۋحان قالاسىنىڭ (حۋبەي پروۆينسياسى) تۇرعىندارىنا كوشەگە شىعۋعا ۋاقىتشا تىيىم سالىندى، دەپ حابارلايدى قازاقپارات ءتىلشىسى.

«2020 -جىلدىڭ 23 - قاڭتارى ساعات 10:00 دەن باستاپ قالالىق اۆتوبۋستار، مەترو، پارومدار جانە حالىقارالىق جولاۋشىلار تاسىمالى توقتايدى. ۋحان تۇرعىندارى سەبەپسىز قالادان كەتۋگە بولمايدى. ۋحان قالاسىنداعى اۋەجايلار مەن تەمىرجول ۆوكزالدارىنان جۇرەتىن رەيستەر ۋاقىتشا جابىلدى» ، - دەلىنگەن جاڭا كوروناۆيرۋستىق ينفەكسيامەن كۇرەس جانە الدىن الۋ جونىندەگى قالالىق شتابتىڭ حابارلاماسىندا.

مۇنداي شارالار جاڭا كوروناۆيرۋستىڭ بەرىلۋ جولدارىن ءتيىمدى قىسقارتۋعا، ىندەتتىڭ تارالۋ قارقىنىن ۇستاپ تۇرۋعا جانە حالىقتىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋگە باعىتتالعان.

ۋحان - حۋبەي پروۆينتسياسىنىڭ اكىمشىلىك ورتالىعى، ول 17 ادامنىڭ كوز جۇمۋىنا اكەپ سوقتىرعان جاڭا كوروناۆيرۋستىڭ تارالۋ وشاعىنا اينالدى.

قىتايدا كوروناۆيرۋستىڭ جاڭا ۇلگىسىن جۇقتىرعان 544 ادام تىركەلدى، ونىڭ ىشىندە 444  ءى - حۋبەي پروۆينسياسىندا.

ەسكە سالساق، قىتاي رەسمي تۇردە دۇيسەنبى كۇنى ۆيرۋستىڭ ادامنان ادامعا جۇعۋى مۇمكىن ەكەنىن مالىمدەدى. ول ەلدە كوروناۆيرۋستىڭ جاڭا ءتۇرىن جۇقتىرعاندار سانى 440 ادامعا جەتكەنى جانە وسى اۋرۋدان توعىز ادامنىڭ كوز جۇمعانى حابارلاندى. سونداي- اق، قىتايدا تاراعان پنيەۆمونيا تايلاند پەن ا ق ش- تا تىركەلدى. ەۋروپا قىتايدا تاراعان كوروناۆيرۋستان قاۋىپتەنىپ وتىر .