ريم اۋەجايىندا كوروناۆيرۋسقا بايلانىستى قاۋىپسىزدىك شارالارى كۇشەيتىلىپ جاتىر

None
None
ريم. قازاقپارات - يتاليا دەنساۋلىق ساقتاۋ مينيسترلىگى وسى اپتادا ريمدەگى فيۋميچينا اۋەجايىندا قىتايدىڭ ۋحان قالاسىنان كەلەتىن جولاۋشىلارعا ارنالعان دەنە تەمپەراتۋراسى سكانەرلەرى ورناتىلاتىنىن مالىمدەدى، دەپ حابارلايدى قازاقپارات ANSA عا سىلتەمە جاساپ.

اگەنتتىكتىڭ مالىمەتى بويىنشا، سكانەرلەر بەيسەنبى كۇنى قويىلادى. ءدال وسى كۇنى كوروناۆيرۋس انىقتالعان ۋحان قالاسىنان يتاليا استاناسىنا رەيس ۇشىپ كەلەدى.

مينيسترلىكتىڭ ايتۋىنشا، ۋحان قالاسىنان كەلگەن جولاۋشىلار ارنايى دەنساۋلىق دالىزىنەن ءوتىپ، ولاردىڭ دەنە تەمپەراتۋراسى سكانەر ارقىلى ولشەنەدى. سكانەرلەر الداعى ۋاقىتتا قىتايلىق قالادان كەلەتىن بارلىق رەيستەرگە پايدالانىلادى.

سونىمەن قاتار، جولاۋشىلار كەلگەننەن كەيىنگى ساياحات مارشرۋتىن كورسەتەتىن ارنايى ۇلگىنى تولتىرادى.

«يتاليا جاڭا كوروناۆيرۋستى (2019-nCoV) باقىلاپ وتىر جانە حالىقارالىق دەنساۋلىق ساقتاۋ ۇيىمىمەن ۇنەمى بايلانىستا» ، - دەلىنگەن مينيسترلىكتىڭ مالىمدەمەسىندە.

بۇعان دەيىن، كوروناۆيرۋس قىتاي شەكاراسىنان تىس اۋماقتارعا تارالعانىن جازعان بولاتىنبىز. تايلاند، جاپونيا جانە وڭتۇستىك كورەيادا ۆيرۋس جۇقتىرعان ادامدار تىركەلدى.

سوڭعى جاڭالىقتار