ءۇش وڭىردە وزەندە مۇز كەپتەلىپ، سۋ دەڭگەيى كوتەرىلەدى

نۇر- سۇلتان. قازاقپارات - «قازگيدرومەت» ر م ك- نىڭ گيدرولوگيا دەپارتامەنتى 23-25 -  قاڭتار ارالىعىنداعى اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

«23-25 - قاڭتار ارالىعىندا شىعىس قازاقستان جانە الماتى وبلىستارىنىڭ وزەندەرىندە، سونداي- اق قىزىلوردا وبلىسىنداعى سىرداريا وزەنىندە اۋا تەمپەراتۋراسىنىڭ جىلىنۋىنا بايلانىستى (مۇز قاباتتارىنىڭ جۇقارۋى، وزەندەردە سەڭنىڭ توقتاۋى) مۇز كەپتەلىپ، سۋ دەڭگەيى كوتەرىلۋى مۇمكىن»، - دەپ حابارلايدى ۆەدومستۆو.

كەپتەلىس - وزەن ارناسىندا ونىڭ اعىسىن شەكتەيتىن مۇزدىڭ جينالۋى. ادەتتە، مۇز كەپتەلىسى مەن سەڭنىڭ توقتاۋى سالدارىنان سۋ دەڭگەيى كوتەرىلىپ، تاسيدى.