+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

الماتىدا جازعى ءدامحانالارعا قاتىستى جاڭا تالاپتار پايدا بولدى

22 قاڭتار 19:06
:ءبولىسۋ
الماتىدا جازعى ءدامحانالارعا قاتىستى جاڭا تالاپتار پايدا بولدى

الماتى. قازاقپارات - الماتىدا جازعى ءدامحانالارعا قاتىستى جاڭا تالاپتار پايدا بولدى، بۇل تۋرالى قالالىق كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين باسپا ءسوز ءماسليحاتىندا ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، «الماتى قالاسىنىڭ ەرەكشە مارتەبەسى تۋرالى» زاڭىنا سايكەس قالانىڭ اۋماعىندا ساۋدانى ۇيىمداستىرۋ ەرەجەلەرى ازىرلەنۋدە، وندا ستاتسيونارلىق ەمەس ساۋدا وبەكتىلەرىن ورناتۋ ءۇشىن ورىنداردى انىقتاۋدىڭ نەگىزگى تالاپتارى مەن ولشەمدەرىن، ءبىرىڭعاي ديزاين كود، سونداي- اق كاسىپكەرلەرگە ورىنداردى ءبولۋ تەتىگىن بەكىتۋ جوسپارلانىپ وتىر.

ەرەجەلەر اياسىندا ستاتسيونارلىق ەمەس ساۋدا وبەكتىلەرىن، ونىڭ ىشىندە جىلجىمالى فۋد- تراكتاردى ورناتۋعا ارنالعان ورىنداردى كاسىپكەرلەردىڭ وتىنىشتەرى بويىنشا سانيتارلىق نورمالاردى ساقتاي وتىرىپ انىقتاۋ ۇسىنىلادى.

«بۇگىنگى كۇنى كاسىپكەرلەردىڭ وتىنىشتەرى بويىنشا ستاتسيونارلىق ەمەس ساۋدا وبەكتىلەرىن ورناتۋعا ارنالعان «اتامەكەن» ۇكپ ۇسىنعان 250 جەر ۋچاسكەلەرىنەن ءبىرىنشى كەزەڭدە 85 ۋچاسكەلەر ىرىكتەلدى. ولاردى اۋكسيون ارقىلى نەمەسە وتاندىق الەۋمەتتىك ماڭىزى بار ازىق- تۇلىك تاۋارلارىمەن قامتاماسىز ەتەتىن تاۋار وندىرۋشىلەرمەن تىكەلەي شارتقا وتىرۋ ارقىلى قولانۋعا بەرۋ ۇسىنىلادى» ، - دەپ اتاپ ءوتتى ەركەبۇلان ورازالين.

ستاتسيونارلىق ەمەس نىساندارىنا جارمەڭكە قىزمەتى دە جاتادى. اتالعان جارمەڭكەلەردىڭ نەگىزگى ماقساتى - اۋىل شارۋاشىلىعى جانە وتاندىق تاۋار وندىرۋشىلەردىڭ ونىمدەرىن حالىققا تىكەلەي جەتكىزۋ.

دەمالىس كۇندەرى قالانىڭ 5 اۋدانىندا اۋىلشارۋاشىلىق تاۋارلارىنىڭ جارمەڭكەسى وتەدى. اعىمداعى جىلدىڭ اقپان ايىندا تاعى 5 جارمەڭكە اشۋ جوسپاردا.

«جەكە جەر تەلىمدەرىندەگى ستاتسيونارلىق ەمەس ساۋدا وبەكتىلەرى بويىنشا كوشە ساۋداسى ەرەجەلەرىنە سايكەس ءبىرىڭعاي تالاپتاردى ساقتاۋدى قامتاماسىز ەتۋ قاجەت» ، - دەدى ەركەبۇلان ورازالين.

سونىمەن قاتار، ماۋسىمدىق (جازعى) الاڭداردىڭ قىزمەتىنە دە ەرەكشە نازار اۋدارىلدى. ازىرلەنەتىن ەرەجەلەردە ولاردى ورنالاستىرۋ، اباتتاندىرۋ جانە پايدالانۋ جونىندە نەگىزگى تالاپتار جازىلادى.

«ماۋسىمدىق الاڭداردى قالالىق جەرۇستى جولاۋشىلار كولىگىنىڭ ايالداما پۋنكتتەرىندە؛ جەر استى جانە جەر ءۇستى جاياۋ جۇرگىنشىلەر وتكەلدەرىنىڭ ايماعىندا؛ مەتروپوليتەننىڭ تەحنيكالىق عيماراتتارىنىڭ 25 مەترلىك ايماعىندا، عيماراتتاردىڭ اركالارىندا، گۇلزارلاردا، الاڭداردا (بالالار، سپورت، قالالىق كولىك تۇراقتارىندا) ؛ تۇرعىن ۇيلەردىڭ شاتىرلارىندا جانە ولاردىڭ جاپسارلاس سالىنعان ءۇي- جايلارىندا ورنالاستىرۋعا جول بەرىلمەيدى» ، - دەپ ءتۇسىندىردى باسقارما باسشىسى.

بۇگىنگى كۇنى قالادا 270 جازعى الاڭ بار، ونىڭ %10 جەكە اۋماقتاردا،% 90 مەملەكەتتىك قور اۋماعىندا ورنالاسقان.

«جاڭا ەرەجەلەرگە سايكەس، مەملەكەت مەنشىگىندەگى جەرلەردىڭ اۋماعىندا ورنالاساتىن ماۋسىمدىق الاڭداردى تەك جەڭىل قۇرىلىمدار مەن ۋاقىتشا قۇرىلىستاردان عانا ورناتۋ ۇسىنىلادى»، - دەپ قورتىندىلادى ەركەبۇلان ورازالين.

ەسكە سالايىق، 2019 -جىلدىڭ جەلتوقسان ايىنىڭ سوڭىندا پرەزيدەنت قاسىم- جومارت توقايەۆ «الماتى قالاسىنىڭ ەرەكشە مارتەبەسى تۋرالى» زاڭعا ەنگىزىلگەن تۇزەتۋلەرگە قول قويدى. اعىمداعى جىلدىڭ 10 - قاڭتارىنان باستاپ زاڭ كۇشىنە ەندى. بارلىعى-28 وزگەرىس، ولار ساۋلەت، قالا قۇرىلىسى، جەر قاتىناستارى، كولىك، الەۋمەتتىك سالا، سونىڭ ىشىندە كاسىپكەرلىكتە بار.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات