گرەكيادا تۇڭعىش رەت ايەل پرەزيدەنت سايلاندى

نۇر- سۇلتان. قازاقپارات - گرەكيا پارلامەنتى بۇرىنعى مەملەكەتتىك كەڭەس (جوعارعى اكىمشىلىك سوتتىڭ) باسشىسى كاتەرينا ساكەللاروپۋلۋدى پرەزيدەنت ەتىپ سايلادى. ول ەل تاريحىنداعى تۇڭعىش ايەل پرەزيدەنت اتانىپ وتىر.

وعان 300 دەپۋتاتتىڭ 261 ى داۋىس بەردى، دەپ حابارلايدى قازاقپارات Ekathimerini باسىلىمىنا سىلتەمە جاساپ.

«ونى باسقارۋشى جاڭا دەموكراتيا، وپپوزيتسيالىق «سيريزا» سولشىل پارتياسى مەن سولشىل سەنتريستىك «دۆيجەنيە پەرەمەن» اليانسىنىڭ زاڭ شىعارۋشىلارى قولدادى» ، - دەلىنگەن ب ا ق حابارلاماسىندا.

ساكەللاروپۋلۋ قىزمەتىنە 13 - ناۋرىزدا كىرىسىپ، بەس جىل ىشىندە ەلدى باسقارۋ قۇقىنا يە بولادى. ازىرگە ەل پرەزيدەنتى - پروكوپيس پاۆلوپۋلوس.

بۇل ەلدە پرەزيدەنتتى حالىق ەمەس، پارلامەنت مۇشەلەرى سايلايدى.

ايتا كەتسەك، 2019 -جىلدىڭ ماۋسىم ايىندا گرەكيا پرەزيدەنتى پروكوپيس پاۆلوپۋلوس پارلامەنتتى تاراتىپ، مەرزىمىنەن بۇرىن پارلامەنت سايلاۋىن وتكىزەتىنىن مالىمدەگەن بولاتىن.