شەتەلدە اقشا ايىرباستاۋ پۋنكتتەرى قالاي جۇمىس ىستەيدى؟

None
None
نۇر- سۇلتان. قازاقپارات - قازاقپارات شەتەلدە اقشا ايىرباستاۋ پۋنكتتەرىنىڭ قالاي جۇمىس ىستەيتىنى تۋرالى حابارلايدى.رەسەي

رەسەيدە بانكتىك ەمەس اقشا ايىرباستاۋ پۋنكتەرى جوق. وندا قولما- قول اقشانى تەك بانكتەردە عانا اۋىستىرۋعا بولادى. دەرەكتەردى تىركەۋ ەرەجەلەرى بۇل ەلدە 2015 -جىلدان باستاپ قولدانىلادى. ەگەر سوما 15 مىڭ رۋبلدەن اسسا (90 مىڭ تەڭگەدەن جوعارى) ، وندا ۆاليۋتا ايىرباستاۋ پۋنكتتەرىنىڭ تۇتىنۋشىلارى جەكە باسىن كۋالاندىراتىن قۇجاتتى ۇسىنۋى كەرەك.

اقشا ايىرباستاۋ پۋنكتتەرىنىڭ كوپشىلىگى ساعات 9:30 دان 20:00 گە دەيىن جۇمىس ىستەيدى. دەمالىس كۇندەرى كەيبىر پۋنكتتەر كەشىرەك اشىلىپ، 18:00 دە جابىلادى.

2018 -جىلى رەسەيدە دەدوللاريزاتسيا ناۋقانى اياسىندا كوشەلەردەن دوللار مەن ەۋرو باعامدارى بار تابلو الىنىپ تاستالدى.

بەلارۋس

بەلارۋستا ۆاليۋتا ايىرباستاۋ كەزىندە قولدانۋشىلار تۋرالى دەكرەكتەردى 2014 -جىلدان باستاپ جازا باستادى. سونداي- اق، ۆاليۋتا ايىرباستاۋ پۋنكتتەرى تاۋلىك بويى جۇمىس ىستەيدى. ولاردىڭ باسىم كوپشىلىگى 9:00 دەن 19:00 گە دەيىن اشىق بولادى.

ايتا كەتەيىك، ولاردىڭ نەگىزگى ۇلەسى - بانك بولىمشەلەرىندە.

گەرمانيا، نيدەرلاند

گەرمانيا مەن نيدەرلاندتا ۆاليۋتا ايىرباستاۋ كەزىندە مىندەتتى تۇردە پاسپورت سۇراتادى. اقشا ايىرباستاۋ پۋنكتتەرى كليەنتتەردى ساعات 8:00 دەن 20:00 گە دەيىن قابىلدايدى. دەمالىس كۇندەرى ولاردىڭ كەيبىرى تۇسكى ۋاقىتقا دەيىن جابىق تۇرادى.

نيدەرلاند اۋەجايىندا شامامەن ساعات 22:00 گە دەيىن قولما- قول اقشانى ايىرباستاۋعا بولادى. مۇندا قىزمەتتى نەگىزىنەن بانكتىك اقشا ايىرباستاۋ پۋنكتتەرى كورسەتەدى.

تۇتاستاي العاندا، حالىقارالىق تاجىريبە كوپتەگەن ەلدەردە ۆاليۋتا ايىرباستاۋ پۋنكتتەرىندە پاسپورت سۇراتاتىنىن كورسەتىپ وتىر. مىسالى، ب ا ءا، تايلاند، يتاليا، چەحيا مەن باسقا دا ەلدەردە قۇجاتسىز اقشا ايىرباستاۋ مۇمكىن ەمەس.

سونداي- اق، كوپتەگەن ەلدەردە، يتاليا، ب ا ءا، پولشا، گرۋزيا، تايلاند مەملەكەتتەرىن قوسپاعاندا، اقشا ايىرباستاۋ پۋنكتتەرى كۇندىزگى ۋاقىتتا جۇمىس ىستەيدى.

ەسكە سالا كەتەيىك، 1 - اقپاننان باستاپ قازاقستاندا بانكتىك ەمەس ۆاليۋتا ايىرباستاۋ پۋنكتتەرىندە جۇمىس ۋاقىتى (9:00 دەن 20:00 گە دەيىن) وزگەرەدى جانە اقشا ايىرباستاۋ وپەراتسياسىن جۇرگىزۋ كەزىندە جەكە باسىن كۋالاندىراتىن قۇجاتتى سۇراتادى. اەروپورتتاردا، ۆوكزالداردا جانە شەكارادان وتكىزۋ بەكەتتەرىندە تاۋلىك بويى جۇمىس ىستەيتىن بولادى، ءىرى ساۋدا ورتالىقتارىندا 22:00 گە دەيىن ۆاليۋتا ايىرباستاۋعا بولادى.

سوڭعى جاڭالىقتار