شىعىس قازاقستانداعى «وسكەمەن- التاي» تاسجولىن قار كوشكىنى باستى

وسكەمەن. قازاقپارات - شىعىس قازاقستان وبلىسىنداعى «وسكەمەن- التاي» تاسجولىن قار كوشكىنى باسىپ قالعان، دەپ حابارلايدى قازاقپارات.

«22 - قاڭتاردا «وسكەمەن- التاي» تاسجولىنىڭ 64 - شاقىرىمىنداعى 350 تەكشە مەتر جەردى قار كوشكىنى باسقان. وسىنىڭ سالدارىنان جول جارتىلاي جابىلىپ قالدى. قازىرگى ۋاقىتتا «كازاقاۆتودور» ج ش س قار تازالاۋ جۇمىستارىن جۇرگىزۋدە» دەپ حابارلادى ش ق و توتەنشە جاعدايلار دەپارتامەنتىنىڭ باسپا ءسوز قىزمەتى.

وسىعان دەيىن قۇتقارۋشىلار 20-26 - قاڭتار ارالىعىندا قار كوشكىنى قاۋپى بار ەكەندىگىن ەسكەرتكەن.

ۆەدومستۆو مالىمەتىنە سۇيەنسەك، 23 - قاڭتاردا شىعىس قازاقستان وبلىسىندا قار جاۋىپ، كوكتايعاق بولادى. سونداي- اق، ەكپىنى سەكۋندىنا 28 مەترگە دەيىنگى جەل سوعادى دەپ كۇتىلۋدە.