عالامشاردى قۇتقاراتىن ونەرتابىستار
الەمنىڭ تۇكپىر- تۇكپىرىنەن زەرتتەۋشىلەر عالامشاردى تازارتۋدىڭ ءتۇرلى امالدارىن ىزدەستىرۋدە. بىردە ءساتتى شىقسا، بىردە بىرنەشە جىلعا سوزىلعان ەڭبەك سول كۇيى ناتيجەسىز اياقتالادى. بۇگىن 2019 جاسالعان ەكو- تەحنولوگيالار ءتىزىمىن نازارلارىڭىزعا ۇسىنامىز. ەكوماتەريالدار جىلدىڭ باسىنان بەرى بولىپ جاتقان تابيعي اپاتتاردىڭ بارلىعى عالامدىق جىلىنۋ دەگەن ۇعىمنىڭ «ءازىل» ەمەسىن دالەلدەگەندەي. انتاركتيدا، اركتيكا مەن گرەنلانديا مۇزداقتارى ەرىپ جاتىر. مۇحيتتىڭ دەڭگەيى بولسا جىل سايىن 3,2 م م- گە ارتادى. ءتۇرلى بولجامدار بويىنشا، 2100 -جىلى تەڭىز دەڭگەيى جەر بەتىنەن 0,5- 2 مەترگە كوتەرىلەدى. دەمەك، بىرنەشە تۇرعىلىقتى ايماق سۋ استىنا كەتەدى. ولاردىڭ قاتارىندا نيۋ- يورك، لوس- اندجەلەس، ۆەنەتسيا، سانكت- پەتەربۋرگ سەكىلدى قالالار بار. 2019 -جىلى ECOncrete جوباسى بويىنشا جۇمىس ىستەپ جاتقان زەرتتەۋشىلەر تەڭىز ەكوجۇيەسىن ساقتاپ قالىپ، قۇرىلىستا قولدانۋعا بولاتىن جاڭا ماتەريالدى ۇسىندى. ولاردىڭ ايتۋىنشا، سۋ استى جانە جاعاجاي ينفراقۇرىلىمىنا مۇحيت سۋىمەن سەلبەسە الاتىن ماتەريال قولدانعان ءجون.
بۇل ارقىلى ماسەلەنى تۇبەگەيلى شەشپەسە دە، اپاتتى جاعدايدىڭ الدىن الۋعا بولادى. ۇنەمدى اۋىل شارۋاشىلىعى عالامشارىمىزداعى سارقىلاتىن تابيعي رەسۋرستاردى ساقتاي وتىرىپ، سانى ۇزدىكسىز ءوسىپ جاتقان حالىقتى تاماقپەن قامتاماسىز ەتۋ - بۇگىنگى قوعامنىڭ وزەكتى ماسەلەسى. كليماتتىڭ وزگەرىسى دە اۋىل شارۋاشىلىق ونىمدەرىن ءوسىرۋدىڭ ۇنەمدى ادىستەرىن كەرەك ەتەدى. مىسالى، AeroFarms كومپانياسى قاراپايىم شارۋا قوجالىقتارىنا قاراعاندا، سۋدى %95 از قولداناتىن جاڭا ەگىن تەحنولوگياسىن ويلاپ تاپتى. باستى ەرەكشەلىگى وسىمدىك توپىراقتا ەمەس، قايتا وڭدەلگەن بوتەلكەلەردەن جاسالعان ۇلپالاردا وسىرىلەدى. تۇقىمعا سۋ قۇيىلمايدى، ىلعالدى تۇماننىڭ كومەگىمەن الادى. AeroFarms تەحنولوگيا كومەگىمەن وسىرىلگەن العاشقى ونىمدەرىن ساۋدا ورتالىقتارى، مەيرامحانالار مەن اۋە كومپانيالارىنا ۇسىندى. سۋدى باقىلاۋ سوڭعى ۋاقىتتا ءجيى تالقىلانىپ جۇرگەن جاھاندىق ماسەلە - الەم مۇحيتىنىڭ ميكروپلاستيكتەرگە تولۋى.
زەرتتەۋشىلەر پلاستيكتەردىڭ كىشكەنتاي بولىگى سۋ فاۋناسىنىڭ اعزاسىنا تۇسەتىنىن ايتادى. ناتيجەسىندە تەڭىز ونىمدەرىن تۇتىناتىن ايماق تۇرعىندارى دا ءتۇرلى اۋرۋعا شالدىعادى. Draper جانە Sprout كومپانيالارى بىرىگە وتىرىپ، سۋ استىنا بەيىمدەلگەن ءارى سەزىمتال اپپارات ويلاپ تاپتى. جاڭا قۇرىلعى سۋ ايدىندارىن باقىلىپ، قۇرامىنداعى ميكروپلاستيك مولشەرىن انىقتايدى. الىستان باسقارىلاتىن تەحنيكا سۋ ۇلگىلەرىنە ساراپتاما جاساپ، اقپاراتتى ارنايى ورتالىققا جىبەرەدى. جوبا اۆتورلارى بولاشاقتا سۋ تۋرالى اقپاراتتاردىڭ ۇلكەن قورىن جيناقتاماق. ودان بولەك، «اۋا ساپاسىنىڭ يندەكسى» دەپ اتالاتىن جاڭا جوبانى قولعا الۋ جوسپارلارىندا بار.
بيو- ىدىرايتىن اياق كيىم الگىلى برەند Adidas كومپانياسى قايتا وندىرىلەتىن اياق كيىم ءتۇرىن جارىققا شىعاردى. زەرتتەۋ جانە تەحنولوگيانى ويلاپ شىعارۋ جەتى جىل ۋاقىتتى العان. برەند وكىلىنىڭ ايتۋىنشا، «Futurecraft جوباسى - جىل سايىن ءبىز وندىرەتىن تاۋاردىڭ ەكولوگيالىق سالدارىن تازاتۋعا جاسالعان العاشقى قادام». ودان بولەك، ھام دۇكەندەر جەلىسىندە دە كيىمدى قايتا وڭدەۋگە تاپسىرۋعا بولادى.