قىتايدا تاراعان ۆيرۋس تايلاندقا جەتتى

بانگكوك. قازاقپارات - سارسەنبى كۇنى تايلاندتىڭ دەنساۋلىق ساقتاۋ مينيسترلىگى جەرگىلىكتى تۇرعىندار اراسىندا كوروناۆيرۋستىڭ جاڭا شتاممىن جۇقتىرعان العاشقى جاعدايدى راستادى.

ۆيرۋس ناحون- پاتوم (Nakhon Pathom) اۋرۋحاناسىندا ەم قابىلداپ جاتقان 73 جاستاعى تايلاند ازاماتشاسىنان انىقتالعان. بۇل تۋرالى قازاقپارات Bangkok Post قا سىلتەمە جاساپ حابارلايدى.

ۆيرۋس جۇقتىرعان ايەل وتكەن جىلدىڭ سوڭىندا قىتايدىڭ ۋحان قالاسىنان ورالعان سوڭ اۋىرعان. ول ناحون پاتحومدا ەمدەلىپ جۇرگەن. دەنساۋلىق ساقتاۋ ورگانىنىڭ وكىلدەرى ونىڭ كوروناۆيرۋستىڭ جاڭا شتاممىن جۇقتىرعانىن راستادى.

تايلانداتا جاڭا كوروناۆيرۋس ينفەكتسياسىن جۇقتىرعان ءتورت جاعداي تىركەلگەن. پنيەۆمونيا ءۇش قىتايلىق تۋريست پەن ءبىر تايلاند ازاماتشاسىنان انىقتالعان.

ۆيرۋس جۇقتىرعان قىتايلىق ءتۋريستىڭ بىرەۋى جازىلىپ، ۇيىنە قايتارىلعانىن اۋرۋدى باقىلاۋ جونىندەگى دەپارتامەنت سارسەنبى كۇنى حابارلادى.

دەپارتامەنت ديرەكتورى سوفون يامسيتحاۆورننىڭ (Sophon Iamsirithavorn) ايتۋىنشا، 13 - قاڭتار كۇنى 74 جاستاعى قىتايلىق تايلاندتقا ۋحاننان كەلگەن.

ايەل نونتحابۋري پروۆينتسياسىنىڭ بامراسنارادۋرداعى ينفەكتسيالىق اۋرۋلار ينستيتۋتىندا ەمدەلىپ، قىتايعا، ۇيىنە ورالعان.

دەنساۋلىق ساقتاۋ مينيسترلىگى ۆيرۋس تارالۋىنىڭ الدىن الۋ ءۇشىن قاجەتتى شارالاردى جاساۋدا.

بۇعان دەيىن قىتايدا كوروناۆيرۋستىڭ جاڭا ءتۇرىن جۇقتىرعاندار سانى 440 ادامعا جەتكەنى جانە وسى اۋرۋدان توعىز ادامنىڭ كوز جۇمعانى حابارلانعان بولاتىن.