+7 (701) 759 90 19
-16 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

نۇرسۇلتان نازاربايەۆ كونستيتۋتسيالىق كەڭەستىڭ وتىرىسىنا قاتىستى

22 قاڭتار 16:08
:ءبولىسۋ
نۇرسۇلتان نازاربايەۆ كونستيتۋتسيالىق كەڭەستىڭ وتىرىسىنا قاتىستى

نۇر- سۇلتان. قازاقپارات - كەشە نۇرسۇلتان نازاربايەۆ كونستيتۋتسيالىق كەڭەستىڭ وتىرىسىنا قاتىستى، دەپ حابارلايدى ەلباسىنىڭ رەسمي سايتى.

جيىندا قازاقستان رەسپۋبليكاسىنىڭ «تۇرعىن ءۇي قاتىناستارى تۋرالى» زاڭىنىڭ 107-بابىنىڭ 8) تارماقشاسىن كونستيتۋتسيالىق ەمەس دەپ تانۋ تۋرالى ماسەلە قارالدى.

- ازاماتتاردىڭ تۇرعىن ءۇي قۇقىقتارىن ىسكە اسىرۋ ماسەلەسى مەملەكەتتىڭ الەۋمەتتىك ساياساتىنىڭ باسىم باعىتى، - دەدى قازاقستاننىڭ تۇڭعىش پرەزيدەنتى.

كونستيتۋتسيالىق كەڭەستىڭ ءتوراعاسى ق. ءمامي بۇگىنگى وتىرىس ەلىمىزدىڭ كونستيتۋتسيالىق دامۋى تاريحىندا ايتۋلى وقيعا ەكەنىن اتاپ ءوتتى.

- قازاقستان رەسپۋبليكاسى كونستيتۋتسياسىنىڭ 71-بابىنىڭ 1-تارماعىنا سايكەس قازاقستاننىڭ تۇڭعىش پرەزيدەنتى - ەلباسى كونستيتۋتسيالىق كەڭەستىڭ عۇمىر بويى مۇشەسى، - دەدى ق. ءمامي.

ءىس- شارا بارىسىندا ۇكىمەت، پارلامەنت سەناتى جانە ءماجىلىسى، جوعارعى سوت، باس پروكۋراتۋرا وكىلدەرى مەن ساراپشىلاردىڭ پىكىرى تىڭدالدى.


زاڭنىڭ اتالعان نورماسى جەتىلمەگەنى جانە ازاماتتاردىڭ كونستيتۋتسيالىق قۇقىقتارىن جۇزەگە اسىرۋعا كەدەرگى كەلتىرۋى مۇمكىن ەكەندىگى ايتىلدى.

جيىنعا قاتىسۋشىلاردىڭ پىكىرلەرى مەن جاۋاپتارىنان كەيىن كونستيتۋتسيالىق كەڭەس نورماتيۆتىك قاۋلى قابىلدادى. اتالعان قاۋلى باسىلىمداردا جاريالانادى.

- مەملەكەتتىك الەۋمەتتىك ساياسات تۇرعىسىنان زاڭنامالىق بازانى جەتىلدىرۋ ەرەكشە ماڭىزعا يە، - دەدى نۇرسۇلتان نازاربايەۆ.

سونىمەن قاتار، تۇرعىن ءۇي قۇقىعىن ىسكە اسىرۋ ماسەلەسى حالىقتىڭ ءال- اۋقاتىنا تىكەلەي بايلانىستى ەكەندىگى ايتىلدى.

- مەنىڭ تاپسىرمام بويىنشا بىرنەشە مەملەكەتتىك باعدارلاما ىسكە اسىرىلدى. بۇرىن باسپانا ساتىپ الۋعا مۇمكىندىگى بولماعان قازاقستاندىقتار ءۇشىن تۇرعىن ءۇيدىڭ قولجەتىمدىلىگى قامتاماسىز ەتىلدى، - دەدى ەلباسى.

سونداي- اق، نۇرسۇلتان نازاربايەۆ اتا زاڭدى قۇرمەتتەۋ جانە قاتاڭ ساقتاۋ ەلدىڭ ءساتتى دامۋىنىڭ كەپىلى ەكەندىگىن جانە كونستيتۋتسيانىڭ 25 جىلدىق مەرەيتويى قارساڭىندا بۇل ماسەلەنىڭ وزەكتىلىگى ارتىپ وتىرعاندىعىن اتاپ ءوتتى.



باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات