پاۆلودار وبلىسىندا ەلدى مەكەنگە قاسقىر كىرىپ كەتتى
«اقسۋدا قاسقىردىڭ پايدا بولعانى راس. الايدا قورىقشىلار ونى ۋاقىتىندا اتىپ الدى» ، - دەدى ساكەن دىلداحمەت قازاقپارات تىلشىسىنە.
سونىمەن بىرگە، الەۋمەتتىك جەلىدە ءبىر ءۇيىر قاسقىردىڭ اۋىلعا كىرىپ كەتىپ، ەكى ءيتتى تالاپ جاتقانى تۋرالى ۆيدەو تاراعان ەدى. كوميتەت وكىلىنىڭ بولجاۋىنشا، بۇل جاعدايدا قازاقستاندا تىركەلمەگەن.
«قاسقىرلاردىڭ يتكە تاپ بەرگەنىن ءبىزدىڭ ەلدە بولعانىن راستايتىن اقپارات جوق. بالكىم، رەسەيدە نەمەسە باسقا ءبىر ەلدە تىركەلۋى مۇمكىن. ۆيدەو بىزدە تۇسىرىلمەگەنى انىق. سەبەبى، ول بەينەجازبانى رەسەيلىك پابليكتەردەن بايقاعانىم بار ەدى» ، - دەيدى ول.
قاسقىر سانى ءبىزدىڭ ەلدە رەتتەلىپ وتىرادى. جىل سايىن ولاردىڭ سانىن رەتتەپ وتىرۋ ءۇشىن اڭشىلارعا ليميت بەرىلەدى.
«ەگەر بەلگىلى ءبىر وڭىردە قاسقىر ادامعا نەمەسە مالعا شاپسا، تۇرعىندار وبلىستىق اۋماقتىق ورمان شارۋاشىلىعى ينسپەكتسياسىنا حابار بەرۋى كەرەك. بىلتىر دا، بيىل دا قاسقىردىڭ مالعا شاپقان جاعدايى كەزدەسكەن ەدى» ، - دەدى ساكەن دىلداحمەت.
ساكەن دىلداحمەتتىڭ حابارلاۋىنشا، الىس ەلدى مەكەندەردە مالىن ۇستايتىندار قاسقىردىڭ سىرىن بىلەدى. قوراسىن بارىنشا بەرىك سالادى.
«كەيدە قورا دۇرىس قىمتالماعاندا قاسقىر مالدى جارىپ كەتۋى مۇمكىن. كەيدە تۇرعىنداردىڭ وزدەرى قاسقىردى اتىپ، كۇشىگىن ءولتىرىپ كەتەدى. مۇندايدان ساق بولۋ كەرەك. قاسقىر كەكشىل كەلەدى. اينالىپ كەپ قايتا شابۋى مۇمكىن» ، - دەيدى ول.
ايتا كەتسەك، مەسسەندجەرلەردە قاسقىردىڭ ەلدى مەكەنگە كىرىپ كەتكەنى تۋرالى ۆيدەو تاراپ كەتكەن ەدى. ۆيدەودا قاسقىر پاۆلودار وبلىسىنىڭ اقسۋ اۋدانىنداعى ءۇي اۋلاسىنا كىرىپ كەتەدى. تاعى ءبىر ۆيدەودا ءبىر ءۇيىر قاسقىردىڭ ەكى ءيتتى اياۋسىز تالاپ جاتقانى ءتۇسىپ قالعان.