كانەلونىڭ پروموۋتەرى گولوۆكينمەن بولاتىن ءۇشىنشى جەكپە-جەكتىڭ باستى شارتىن ايتتى

None
None
نۇر-سۇلتان. قازاقپارات - WBA Super نۇسقاسى بويىنشا ورتا سالماقتاعى الەم چەمپيونى ساۋل «كانەللو» الۆارەستىڭ مۇددەسىن جاقتاۋشى پروموۋتەر وسكار دە لا حويا مەكسيكاندىقتىڭ IBF جانە IBO بەلبەۋىنىڭ يەگەرى قازاقستاندىق گەننادي گولوۆكينمەن بولاتىن ءۇشىنشى جەكپە-جەگى تۋرالى ايتتى، دەپ حابارلايدى قازاقپارات Sports.kz سايتىنا سىلتەمە جاساپ.

وسكاردىڭ سوزىنە قاراعاندا، ءۇشىنشى ايقاستىڭ تاعدىرى الۆارەستىڭ قالاۋىنا بايلانىستى:

— ارينە، حالىقتىڭ وسى ايقاستى كورگىسى كەلەتىنى ءسوزسىز، ءبىراق شەشىمدى «كانەلو» قابىلدايدى. جاقىندا ءبىز كىممەن جەكپە-جەككە شىعاتىنىمىزدى شەشەمىز، — دەدى Golden Boy Promotions باسشىسى ESPN Deportes-كە بەرگەن سۇحباتىندا.

«كانەلونىڭ» رينگكە ورالۋى 2- مامىرعا جوسپارلانىپ وتىر، ءبىراق قارسىلاسى ءالى انىقتالعان جوق. ال گولوۆكيننىڭ كەلەسى جەكپە-جەگى 28- ناۋرىزدا چيكاگودا وتەدى، قارسىلاسى - پولشالىق كاميل شەرەمەتا.

سوڭعى جاڭالىقتار