+7 (701) 759 90 19
-15 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

ق ر پرەزيدەنتى تيمۋر قۇلىبايەۆتى قابىلدادى

22 قاڭتار 12:15
:ءبولىسۋ
ق ر پرەزيدەنتى تيمۋر قۇلىبايەۆتى قابىلدادى

نۇر-سۇلتان. قازاقپارات - پرەزيدەنت قاسىم-جومار توقايەۆ «اتامەكەن» ۇ ك پ پرەزيديۋمىنىڭ ءتوراعاسى تيمۋر قۇلىبايەۆتى قابىلدادى، دەپ حابارلايدى اقوردا.

كەزدەسۋ بارىسىندا مەملەكەت باسشىسىنا بيزنەس سەكتورىنىڭ احۋالى، وتاندىق كاسىپكەرلىكتىڭ پروبلەمالارى، سونداي-اق، ۇلتتىق كاسىپكەرلەر پالاتاسىنىڭ وسى سالاداعى قىزمەتىنىڭ قورىتىندىلارى تۋرالى اقپارات بەرىلدى.

قاسىم-جومارت توقايەۆقا ەلىمىزدەگى اگروونەركاسىپ كەشەنىنىڭ دامۋى، فەرمەرلەر مەن اۋىل شارۋاشىلىعى تاۋارلارىن وندىرۋشىلەرگە قارجى اينالىمىنىڭ قاجەتتىلىگى، ەكونوميكانىڭ وزگە دە سەكتورلارىنا قاراجاتتىڭ قولجەتىمدىلىگى جايىندا باياندالدى.

يمپورتتى الماستىرۋ، مەملەكەتتىك ساتىپ الۋلاردىڭ تيىمدىلىگىن ارتتىرۋ ماسەلەلەرى تالقىلاندى. پرەزيدەنت قولدا بار رەسۋرستاردىڭ ءبارىن ىسكەرلىك بەلسەندىلىكتى ىنتالاندىرۋعا جانە ءوندىرىستى دامىتۋعا باعىتتاۋ قاجەت ەكەنىن اتاپ ءوتتى.

سونىمەن قاتار كەزدەسۋ كەزىندە كاسىپكەرلىكتى قولداۋ باعىتىنداعى مەملەكەتتىك باعدارلامالار جۇمىسىنىڭ تيىمدىلىگى ءسوز بولدى. ۇلتتىق كاسىپكەرلەر پالاتاسىنىڭ باسشىسى جاپپاي كاسىپكەرلىك پەن ادامي كاپيتالدى دامىتۋعا نەگىزدەلگەن «ۇكىمەت بيزنەس ءۇشىن»، «باستاۋ»، «جاس كاسىپكەر» جوبالارىنىڭ جۇزەگە اسىرىلۋ بارىسى تۋرالى دا ايتتى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات